________________
आख्याते दशमः पादः
श्वयतेः अङि अत् । १। श्वयते: अङि परे अत् अन्तादेशो भवति । अश्वत् । तिनिर्देशात् ङः लुचि न भवति-अशेश्वियत् ॥ १ ॥
वचेः उम् । २। वचे: अङि परे अन्त्यात् स्वरात् परः उम् भवति । अवोचत् ॥ २ ॥
- असेः थक् । ३ । अस्यतेः अङि परे थक् आगमो भवति । आस्थत् ॥ ३ ॥
पतेः पप्त । ४। पतेः अङि पप्त आदेशो भवति । अपप्तत् ।। ४ ॥
नशे वा इम् । ५। नशेः अङि परे अन्त्यात् स्वरात् परो वा इम् भवति । अनेशत् , अनशत् ॥ ५ ॥
_ ऋवर्णस्य अर् । ६। ऋवर्णान्तस्य अङि परे अर् भवति । मा भवान् अरत् । अरताम् । अरन् । असरन् । अजरत् । जरा ॥ ६ ॥
जागुः किति । ७। 'जागृ' इत्येतस्य इकः किति प्रत्यये अर् भवति । जागर्यते । जागरितः ॥ ७ ॥
स्कृ-ऋच्छ्-ऋतः परोक्षायाम् अक्वसु-कानयोः । ८ । स्कृ-ऋच्छोः ऋदन्तानां च ऋवर्णस्य परोक्षायाम् अर् भवति न तु क्वसु-कानयोः ।
Jain Education International
For Private & Personal Use Only
www.jainelibrary.org
