________________
८. जीवाणुसट्ठि-संधि
रचना-समय ई. स. १२२५ थी १२७५ बच्चे ]
[कर्ता : जिनप्रभसरि
ध्रुवक
जस्स पभावेणऽज्जवि तव-सिरि-समलंकिया जिया हुंति ।
सो निच्चं पि अणग्यो संघो भट्टारगो जयइ ॥१॥ मोहारिहिं जगडिय विसयहिं विनडिय तिक्ख-दुक्ख-खंडियह चिरु संसार-विरत्तहं, पसमिय-चित्तहं सत्तहं देमिऽणुसट्ठि निरु ॥२
अणाइ-तिग्गोअ-जंतूण मज्जंगओ एगतणुऽणतजंतूहिं सहसंगओ समग्ग-उववाय-विणिवाय-ऊसासओ समग्ग-आहार-नीहार-नीसासओ २ तयणु ववहार-रासम्मि जिउ आविओ तम्मि रे जीव निच्चं पि नच्चाविओ मुत्त पत्तेय-तरु-काय कम्मि हिरिओ पुढवि अपु तेउ वाउऽणंतकाए ठिओ ४ अवि य नीराइ-सत्थेहिं संताविओ दुट्ठ-कम्मट्ठ-गंठीहिं संदाविओ जीव खुड्डाग-मरणेण हा निठ्ठिओ अहह एगंत-भवियव्वया-हिटिठो ६ सुहुम-कायाउ तउ बायरे चडिडओ तिक्ख-दुक्खेहिं लक्खेहि जिउ खंडिओ तत्थ अवसप्पिणुसप्पिणऽस्संखया चउसु काएसु उस्सग्गओ अक्खया ८ कवणु तं दुक्खु जं जीव न हु पावियं कम्म-परिणाम-भव-भाव-संभावियं बेइदि-तेइंदि-चउरिंदि-विगलिंदिए काल संखेज्जओ कायठिइ निदिए १० भाव सव्वे वि सुह-असुह मुह वियसिया सव्व जीवेहिं हाऽणतया फरिसिया नस्थि तं ठाणु लोए न जहिं हिंडिओ राग-दोसाइ-सुहडेहिं हा दंडिओ १२ नरय-तिरियम्मि मणुअम्मि किह आणिओ जणणि-जणयाइ-सयणेहिं संदाणिओ इंदियग्गाम अभिराम मन्नंतओ भीम-भव-रन्नि भमडंतु न य संतओ १४ चरिउ विवरिउ जीवस्स इह दीसए जेण सुह तन्न दुहु जेण तं गवेसए नाण-निहि निय-गिहे मुत्त बहि भमडए तत्थ जिउ जाइ दुहु जत्थ सिरि निवडए १६ जेसु ठाणेसु जिउ णंतसुहु पावए मुत्त तं ठाणु अप्पं दढं दावए जेण सम्मेण कम्मारि लहु लुटए मुत्त तं मूढ हा विसय-विसु घुटए १८
Jain Education International
For Private & Personal Use Only
www.jainelibrary.org
