________________
३८४
लीलावतीसारे
[३५-४०
सम्यक्त्वं महाव्रतानि गृहीतान्यपि सद्गुरोः । पुनः सिद्धादिप्रत्यक्षं गृह्णाम्येष विशुद्धये ॥३५ अर्हसिद्धाचार्यचैत्यसङ्घश्रुतसधर्मसु । याऽऽशातना कृता काचित् तां निन्दामि मुहुर्मुहुः ॥३६ छद्मस्थो मूढचेतास्तु कियन्मानं स्मरेदिह । यन्न स्मरामि तत्रापि मिथ्यादुष्कृतमस्तु मे ॥३७ क्षमयामि सर्वान् जीवांस्त्रसस्थावरभेदिनः ।। पापप्रक्षालनादेवं शुद्धोऽहं सर्वथाऽधुना ॥३८ मुञ्चे चतुरविधाहारं धर्मोपकरणं तथा । वपुश्च प्रान्त्यसमये परकीयमिवाधुना ॥३९ इत्येवं परमेष्ठिपञ्चकनमस्कृद्ध्यानधाराजल
प्रक्षालप्रगलन्मलः सुविधिना गर्दाकृतश्रावणः । लात्वा श्रीजिनपालविध्यनशनं दिव्यं सुशुद्धिं गतः
प्राप श्रीविमलादिसेनऋषिराट् सत्केवलां निवृतिम् ॥४०
इति श्रीनिर्वाणलीलावतीसारे जिनाङ्के श्रीसमरसेनसूरि-विमलसेन
महर्षि निर्वाण-व्यावर्णनो नाम अष्टादश उत्साहः ।
* ग्र. ४५.
Jain Education International
For Private & Personal Use Only
www.jainelibrary.org
