________________
३५१
४३६-४४८
चतुर्दश उत्साहः अथोचे शूरदेवेन भोस्त्वां बोधयितुं ध्रुवम् । . श्रीसमरसेनसूरिसूरः प्रातरुदेष्यति ॥४३६ गम्यं त्वया तस्य पाव विधातव्यं तदीरितम् । इत्याश्रुतं कुमारेण देवः स्वस्थानमैयत ॥४३७ ततो यावत् कृतप्राभातिकावश्यकमङ्गलः ।। मातापित्रोर्वन्दनाय प्रस्थितः पुष्पशेखरः ॥४३८ उद्यानपालकोऽभ्येत्य तावत् प्रियनिवेदकः । प्रणिपत्य कुमारांही प्राञ्जलीति व्यजिज्ञपत् ॥४३९॥ युग्मम् देव श्रीसुमनःश्रेणीसेव्ये श्रीतिलकाद्भुते । स्फुरत्पुन्नागपूगाढये सर्वतोऽशोकमण्डिते ॥४४७ नानाशाखागतविप्रसेवितेऽद्भुतजातिके । उर्चवंशे महोद्याने त्वत्प्रतिच्छन्दके किल ॥४४१ साधुशाखाविरोचिष्णुर्नानातिशयपुष्पितः । सुरासुरनरासेव्यपादमूलमहीतलः
॥४४२ चतुर्ज्ञानी देवतानां लीलावाससहोदरः । श्रीसमरसेनसूरिः कल्पद्रुः समवासरत् ॥४४३॥ चतुर्भिः
कलापकम् xxx xxx xxx । xxx xxx
xxx ॥४४४ पारितोषिकवृष्ट्या संप्रीण्य प्रियनिवेदकम् । प्रमोदबाष्पमुदिरः सद्यः कुसुमशेखरः ॥४४५ गत्वा प्रणम्य पितरौ हर्षरोमाञ्चचञ्चुरः । गुरुराजागमोदन्तभणित्या स्रागवीवृधत् ॥४४६ ततः श्रीकुसुमकेतुस्तथा कुसुमशेखरः । सामन्तामात्यपौराद्यैः सार्धमन्तः पुरेण च ॥४४७ तं सद्गुरुं नमस्कर्तु जगामोद्यानमुत्सुकः ।
त्रिःप्रदक्षिणनापूर्व नमस्यामास चादरात् ॥४४८॥ युग्मम् ४४३.४. समरवासरत्.
Jain Education International
For Private & Personal Use Only
www.jainelibrary.org
