________________
.२४७
१०६-११८ ]
अकादश उत्साहः ततः सर्वावरोधेन निर्विरोधेन भूषितः । स रेभे नन्दनोद्याने खचरेशः सुरेशवत् ॥१०६
इतश्च -
रत्नपुरशिरोरत्नश्रीभानुपृथिवीभुजः तनयः काञ्चनच्छायः सुव्रताशुक्तिमौक्तिकम् ॥१०७ आजन्माऽपि चतुःषष्ट्या सुरेन्द्रः सेवितक्रमः । पञ्चचत्वारिंशिधनुस्तनुर्दम्भोलिलाञ्छनः ॥१०८ भुक्तापोज्झितसाम्राज्यः संयमश्रीपरिष्कृतः । अम्लानकेवलज्ञानादर्शसंक्रान्तविष्टपः ॥१०९ आकाशगेन छत्रेण पुण्येनेव विराजितः । चामराभ्यां यशःकीर्तिभ्यां त्वीदृग्भ्यां प्रवीजितः ॥११० देवदुन्दुभिनाऽऽकाशे शब्दाद्वैतं प्रदर्शयन् । सांहिपीठेनासने[न] . रत्नेनौजःश्रियाश्रितः ॥१११ धर्मचक्रेणान्तरारिघातचक्ररुचाऽग्रतः आईत्यसौधध्वजेनेन्द्रध्वजेन च शोभितः ॥११२ केवलश्रीदर्पणेन दिव्यभामण्डलेन च । . निधिष्विव नवस्वर्णकमलेषु पदौ दधत् ॥११३ नैकाभिर्देवकोटीभिः सम्यक्त्वैरिव देहिभिः । मूर्तिमभिर्नु चारित्रैः संयुतः संयुतायुतैः ॥११४ नमद्भिरभितो वृक्षः कृतपुण्यप्रवर्षणः । कीर्त्यमानयशोराशिश्चतुर्धाऽमरचारणैः ॥११५ पुण्यस्कन्ध इवाध्यक्षस्तीर्थ किल चराचरम् । तीर्थेश्वरः पञ्चदशः श्रीधर्मस्त्रिजगत्प्रभुः ॥११६ युगादिदेवादिजिनचतुष्कोत्पत्तिपावने । श्रीअयोध्यापुरे पुष्पकरण्डे समवासरत् ॥११७॥
__ एकादशभिः कुलकम् ततश्च समवसृते धात्री योजनमात्रिकीम् । मरुबहुकरैर्वायुकुमाराः क्षणतोऽमृजन् ॥११८
Jain Education International
For Private & Personal Use Only
www.jainelibrary.org
