________________
१७८
लीलावतीसारे
[११४-१२५ छायया तव वंशस्य भूभृतोऽत्युन्नता अपि ।। सश्रीकाः स्युरपरथा विच्छायत्वं भजन्ति ते ॥११४ तत् परदारसङ्गेन किं तच्छायां विलुम्पसि । स्वामिस्तदयमुद्योगो न शुभेन फलेग्रहिः ॥११५ न यदत्र परत्रापि परदाराभिलाषिता । प्रशस्यते विपश्चिद् भिस्तदस्या विरम प्रभो ॥११६ इत्युदित्वाऽविसंवादिसचिवे मौनमास्थिते । साहकाररुषाटोपमूचे विमलवाहनः ॥११७ यत एव हि वंशो मेऽन्यवंशेभ्यः समुच्छितः । अत एव हि युज्यन्ते कान्ता मुक्ता इहैव हि ॥११८ किञ्च सन्त्येव मे गेहेऽप्यतिकल्पलताः प्रियाः । प्रियङ्गुलतया कार्य किं नु मेऽस्ति तदीयया ॥११९ परं दूतमुखेनैष एवमेवं यदब्रवीत् । तद्दोषस्यौषधं दातुमेवास्म्येवमुपक्रमे ॥१२० समर्थविग्रहेणैव व्यज्यते स्वभुजोऽर्जितम् ।। सैंहिकेयो विगृह्णाति पूर्णमेवेन्दुमादरात् ॥१२१ तदत्र यात्रारम्भे मां यः कश्चन निषेत्स्यति । कण्ठशोषात् परं किञ्चिन्न फलं तस्य सेत्स्यति ॥१२२ ततः प्रगे ततःस्थानादस्खलितैः प्रयाणकैः ।
क्रमात् तरङ्गिणी प्राप स राजा तुङ्गशङ्गिणीम् ॥१२३ याऽस्ताघा शुभसंयतेव जनतासन्तापसंहारिणी
__या तारुण्यवतीव मञ्जुलकुचप्राग्भारसंधारिणी । या ग्रामीणसभेव सन्ततजडस्तोमावरुद्धान्तरा
युद्धोर्वीव च याऽतिदुस्तरमहाकल्लोलमालाकुला ॥१२४ तीरोपान्तप्रतिष्ठान् बकुलविचकिलाशोकपुन्नागपूगां
__ स्तालीहिन्तालशालांस्तिलककुरबकान् नालिकेरान् रसालान् । अत्युन्नम्रान् स्वकम्रानिव सुमनयनैः प्रेक्षमाणानभीक्ष्णं
या चाश्लेष्टुं किलोच्छालितगगनतलालम्बिकल्लोलबाहुः ॥१२५
Jain Education International
For Private & Personal Use Only
www.jainelibrary.org
