Page Text
________________
पण्णरसमो कणगवई-लंभो
२४५ पमोत्तणं खणेण य परियत्तिद-रूवो दिव्वाभरण-भासर-सरीरो महाणुभावो मुरो नादो, भणदि य नव-जलद-भरिद गंभीर-णिस्सणो--पुत्त ! अहं ते पिदा णिसढो णाम सामण्णं समस्सिदो, कालं कादूणं बंभलोए इंद-समाणो उववण्णो । इमं च ते महंतं पुन्व-कदं 'उवधिदं दमिधमागदो हं । चिंतेमि य-एस अदीवरूव-कलिदो, कदाइ से कोइ संजाणिदण पुन्व-विराधितो सरोर-जीविदाणं किंचि उवघादं करेज्ज । तदो वण-दवालिद्ध-भुयग-रूव-दंसणागदेण सप्पयोग डक्को सि, परियत्तिद-लायण्णो य सि कदो विमोहे, विरुवो दु(: त्ति)। जाणामि य ते संजमाभिमुह-संपट्टिदं । ण य तुह अज्ज वि संनम-कालो, पुन्वकद-कम्म-दोसेणं संतराय सविग्धं च ते पेच्छामि । जदा पुण संजम-जोग्गो होहिसि तदा ते अह चेव णाहामि (१) ।
- एवं भणंतेणं सुरेणं दिण्णं से हत्थे दिव्वं बिल्ल-फलं रदण-करंडो य । भणिदो य तेण-राय ! जाव ते एसा असोह-दसा वट्टदि ताव एरिसेण चेव स्वेणं एदाई रक्खमाणो अच्छेज्जासि । होहि सि य पुणो वि रज्जभाई। तं नदा जाणेज्जासि, जति अहं पुणो वि पोराण-सरीरो हवेज्जामि, तदा एदम्मि करंडए अलंकारियं, दिल्लयं देवदूस-जुवलं, एदाइं परिहेज्जासि, तदो साभाविय-सरीरो होहिसि । किंतु भणाहि संपदं ताव ते कहिं णयामि ? णलेण भणिदो-देव ! णेहि मे मुंसुमारपुरं णगरं । तेण य खणेण णोदो तहिं, ठविदो य बाहिं णगर-उजाणे । ठवेदूण य जधागदं गदो सुरो। णलो वि णगरं पविट्टो ।
तत्थ य रिदुवण्णो णाम राया, तस्स मल्लीणो सेवा-पुव्वयं । रिवण्णेण य पुच्छिदो-- भी खुज्जय ! अस्थि किंचि विण्णाणं जाणसि ? ति । खुजकेण भणिदं-राय! पोरेगं जाणामि आदिच्चपाग-सहिदं ति । रण्णा भणिदो--कदो ते आदिञ्चपागस्स भागमो ? खुज्जफेण भणिदं-राय ! रण्णो जलस्स पासादो । तस्सेव य संतिओ सुवकारो हं हुंडिओ णाम । राइणा भणियं-किध पुण तुमं तस्स पासादो अवक्कतो? हुंडिएण भणियं--- सो भादुणा जूदे हड-रज्जो वणं पविट्ठो । सुणिज्जदि य तत्थेव णिधणं गदो। तस्स य वियोगे अहं अवि से सण्णु(अणु)याणं अण्ण-राइणं पासे धिर्ति भलभमाणो इहागदो हं । तदो तं णल-विणासं सोदूणं महतो अक्कंदो कदो तेण राइणा । भणिदं च णेण-अहो ! मम णलो राया पसादमंतो भासि ।
१. तवच्छिदं मो० विना ॥ २. विल्लेय खं० ॥ ३. खुिवण्णो मो•॥ ४. पोरगं ख० मो० विना ॥
Jain Education International
For Private & Personal Use Only
www.jainelibrary.org
| SR No. | 002648 |
| Book Title | Vasudevahimdi Madhyama Khanda Part 1 |
| Original Sutra Author | Dharmdas Gani |
| Author | H C Bhayani, R M Shah |
| Publisher | L D Indology Ahmedabad |
| Publication Year | 1987 |
| Total Pages | 422 |
| Language | Sanskrit, English |
| Classification | Book_Devnagari & Literature |
| File Size | 22 MB |