Page Text
________________
१४४
वसुदेवहिंडो-मज्झिमखंडे परित्तायध त्ति । तदो सो एदं सोदणं गदो तत्थ जत्थ सो सद्दो सुव्वदि । पेच्छदि य सो तत्थ वण-दव-जालोलि-णिवह-परिक्वित्तं हार-णियर-प्पगासं जलिद-मणिसिहं महा-मुयंग डज्यमाणं । सो य माणुसीए वायाए भणदि-राय ! तं सि उत्तम-पुरिसो पधाणे य इक्खाग-वंसे पसदो, जिण-भत्तो' य आणुकंपिओ जीवाणं । तं परित्तायसु ममं । मा हं तुमे दिट्ठो अगणि-वसं गच्छामि । राइणा भणिदं-भो भुयंग! किष तुमं मम वंस-पसृदिं जाणसि ? किह वा तुमं माणुसीए वायाए भणसि ! त्ति । तेण भणिदं-~-अहं जादिस्सरो, पुव्व-भवे माणुसो मासि । तो तेण पुञ्चम्भासेण मम माणुसी वाया पयट्टा । नं पुण वंस-पसूदिं जाणामि तं अस्थि मे ओधिजाणं जारिसं तारिसं ति। तं एस परमत्थो । परित्तायसु मे त्ति । तदो राइणा 'मा भायमु' त्ति बेंतेणं आसरिदण भूमीए पसारिदो णिययुत्तरीय-पल्लवो, तत्थ समारूढो णित्थारिदो य वणदावा,णीदो दूरमद्धाणं । णिब्भये य ठाणे राइणा अवतारिण्जमाणो हत्थं से वेढिदूण ठिदो, भणिदो य तेण राया--रायं ! कतो ते महंतो उवकारो । तदो ते अहं पि पच्चुवकारं करेमि त्ति । एवं भणंतेण खईदो राया दाहिणे हत्थे । तेण य कद-विप्पिएण वि सो सइरं भवतारितो धरणि-पढे । मणिदो य राइणा--भो भुयंगम ! स-उवगारस्स एस पच्चुवगारो तुमे कदो मे । एवं भणतो विस-वेग-पीडिदो मोहमुवागदो, खणेण य पच्चासत्थो राया, पेच्छदि य णवरि तक्खणं चेव अत्ताणयं एग-पादेणं मंट, कडि-भागे वियलं, पट्टीए कुज्ज, उदरे कुरु हिलं (!), एग-हत्थे कुंटं, एग-णयणेण काणं । तं च कणगावदादं सरीरं पयदि-काल-फरुस-च्छवि-समाणं जादं । तं देवकुमारोवमं रूवं खणेण कुडिल-गदि-गमण हुंडं दुस्संठाणं जादं । सो णेण भुर्यगो अदूर-देस-ठिदो भणिदो -साधु, भो भुयंगम ! महंतो ते मम पच्चुवगारो कतो, ते सज्जणत्तणं दंसिदं । भुयंगेण भणिदं-- तुमं असंतुट्ठो होइं एवं भाससि, मया पुण महंतो तुह उवगारो कदो। रण्णा भणिदं--पेच्छ, भो ! केरिसं कतं ते । मया रज्ज-परिभद्रेणं भरणे देवी छडिदा, किं-कारणं, चरिमे अहं किंचि जणपदं संपाविदु जइण. सासणं पडिवज्जीहं । तदो हं पव्वइदुकामो तथा कदो जघा ण इधलोगस्स परलोगस्स जादो हैं । ततो उरगेण भणिदं--सोम्म ! ण ताव तुमं संजम-जोग्गो होसि, जदा पुण तुमं संजम-जोग्गो होहिसि तदा. पुण साभाविय-रूवो होहिसि । रण्णा भणिदं--को पच्चयो एत्थं ? ति । तेण एवं भणिदे समाणे भुयगो भुयग-रूवं
१. भद्दो मो० ॥ २. पुव्वभासेण ख० ॥ १. अच्छितं मे खं० मो० विना ॥
Jain Education International
For Private & Personal Use Only
www.jainelibrary.org
| SR No. | 002648 |
| Book Title | Vasudevahimdi Madhyama Khanda Part 1 |
| Original Sutra Author | Dharmdas Gani |
| Author | H C Bhayani, R M Shah |
| Publisher | L D Indology Ahmedabad |
| Publication Year | 1987 |
| Total Pages | 422 |
| Language | Sanskrit, English |
| Classification | Book_Devnagari & Literature |
| File Size | 22 MB |