Page Text
________________
वसुदेवहिंडो-मज्झिमखंडे परिदेविदूण य चिरं ताहे पुणो भणिदो राइणा हुंडिओ-भो हुंडिय ! जदि जाणसि तदा अज्ज सज्जेहि मे आदिच्चपागं ति । तेण तध त्ति पडिवण्णं । सज्जिदा गेण चरुआ थालोओ य सुकद-परिमज्जणामो दवावक्खर-भाग-वड्ढि. क्खयाणुरूव-संजुद-संताणामो सुणिरूवित-सव्व-दव्वो [व]करणाओ पक्खित्तपोग्गल-चाउलोदगाओ । जण-संपाद-विरहिते हम्मिय-तलए निरावरणे ठविदामो थालीओ चरुगा य । दिण्णं च उरि सम्वेसिं सूरिय-विज्जा-परिमंतिदं सुरोदयं णाम सदसं वत्थं । मुहुत्तेण य भादिच्च-किरणाओ तं तारिसं पक्कं जारिसं. णलो पयति । जस्स अज वि णल-गंथिदाओ सूवकार-सस्थ-संघिदामो लोए पयरंति । भोयण वेलाए य तेण उवट्ठविदं रणो परम-सादु चक्कवहि-जोग्गं भोयणं । भुत्तं च इट-जण-सहिदेणं तेण राइणा । परं च विम्हयं गदो राया । 'तुद्वेण य पादक-सद-सहस्सं मणहर-वत्थ-जुवल-सहिदं च अलंकारियं दिण्णं । तं च तेण जण-चित्त-गहण-कज्जे पडिच्छिदं । भणिदो य पुणो राइणा पुण्णागरिसिदेण-गेह गाम-सदं ति । हुंडिएण भणिदं--ओलग्गामि ताव तदो गेण्हीहामि । एवं दिणे दिणे तस्स भोयणं अग्गिपागं सूरपागं च करेति ।
___ अण्णदा य रिदुवण्ण-संतिओ दूतो विदम्माधिवस्स पासं गदो । तेण य तत्थ भोयण-पत्थावागदं भणिद-जारिसं संपदं रिदुवण्ण-राइणो हुंडिय-सुवो सुरपागं भोयणं सज्जेति, तारिसं णत्थि अण्णस्त । तं च वयणं सुदं दमदंतीए । तीय पिदा विण्णविदो-ताय ! विसज्जियदु कोइ चार-पुरिसो, तं सुवकारं दद्वैमागच्छदु । रण्णा भणिदं–एवं कोरदु । ताधे पच्छण्णं चेव राइणा विसज्जिदो कुसळो णाम माहणो-वच्चाहि भो ! तं सुवकारं णादणं लहुं एहि को वि सो होज्जा । तस्स य णीणेतस्स संपत्तीए णंदी(दि)ताभिध-माहणेण, पधाण-गुणो त्ति अहिणंदितो णदी। दमदंतीए य अब्भुटेदण पूइतं मित्तं ।गदो य माहणो कमेण सुसुमारपुरं। तत्थ य कमेण पुच्छमाणो अल्लीणो हुंडियरस । दिट्टो य णेण वियड-बीमच्छ-दुस्संठिद-सरीरो । तदो से' परा णिरासदा जादा, चिंतेति य--किध णाम तारिसो सगुणो गिरत्थदं गमोहि ति ? । तदो परम-विसादोवगदो सो माहणो दीहं णीससिदणं हुंडियावासयस्स अच्चासण्णेणं पुव्वादो 'णिसण्णो वीसमिदं पयत्तो। वीसमंतेण य तत्थ इमं तेण गीदयं गीदं--
मदि-णिग्घिणं खु कम्मं तेण कदं कमल-पत्तलच्छेणं ।
जेण वणे दमदंती सुह-सुत्ता एक्किया मुक्का ॥ १. मुद्धेण ख०मो०विना ॥ २. णेवत्थ मो० विना ॥ ३. सण्णेणं मुव्वादो खे० विना । . सण्णे पंथुव्वादो मो० ॥
Jain Education International
For Private & Personal Use Only
www.jainelibrary.org
| SR No. | 002648 |
| Book Title | Vasudevahimdi Madhyama Khanda Part 1 |
| Original Sutra Author | Dharmdas Gani |
| Author | H C Bhayani, R M Shah |
| Publisher | L D Indology Ahmedabad |
| Publication Year | 1987 |
| Total Pages | 422 |
| Language | Sanskrit, English |
| Classification | Book_Devnagari & Literature |
| File Size | 22 MB |