Page Text
________________
२०२
वसुदेवहिंडो-मज्झिमखंडे मेहरधो नाम । तस्स दुवे देवीओ, अंसुमालिणी मंदरा य । मंदराए पुत्तो मंदरदेवो, पंच य सुलक्खणाओ कण्णाओ, उवरिं पि य दारओ एकको ! अंसुमालिणोए पुत्तो घणरहो णाम, जो तुमे चेव नंदणवणे मारिओ । भगिणी य से मेघमाला णाम जा रोहिणि व्व चंदं तुमं चेव उवागया । तत्थ सो मंदरदेवो पुण्ण-बलिओ जं जं विज्जं साहेउं इच्छइ सा सा थोवेणं कालेणं 'उवद्वायइ । सो य विज्जाहर-चक्कवट्टित्तणस्स करणं किलिस्सइ । तेण य सह मम अच्चंतियं वेरं । जुद्धे य तेण अहं णिज्जिओ। पेल्लियं च मे तेण उदहिघोसं णगरं । अहिद्वियं च णेण मह संतिय रज्जं । अहं च तेण स-विप्तयाओ णिच्छुढो समाणो हिमवंत-पव्वयस्स उसभ-कूड-मूले णिविट्ठो मि कहंचि कालं गमेमि । पेसिओ य मे तत्थ-णिविट्ठस्स मंदरदेवेण दूओ-जइ मे कण्णं चित्तलेहं पयच्छसि, ते स-रज्जं णिसिरामि । मया य अंतोहियए समच्छरेण भणि ओवञ्च, ताव चिंतेहामि त्ति । तो परिगमो दूओ ।
अण्णया य अहं सपरिवारो दोसु वि पुत्त-भंडेसु सहिओ हिमगिरिसिहरत्थं पुन्व-दिसाभाग-संसियं सिद्धाययण-कूडं समारुढो हं। तत्थ य चेइयाणि वंदिताणि मे । दिवा य मे तत्थ महाणुभागा अइसय-णाणिणो दुवे चारण-समणा अभयघोस-धम्मघोस-णामधेया । ते य मे वंदिऊण पुच्छिया-भगवं ! होज्जा है संजम-जोग्गो ? तेहिं भणियं-सावय ! होहिसि तुमं जोग्गो संजमस्स, किंतु संपयं ण ताव पव्वयसि । मया भणिय-भगवं ! कोस ण पव्वयामि ! तेहिं भणियंतुमं संपयं रज्ज-भट्ठो माण-गाहिओ चिंतेसि, किह नाम पुत्तं चित्तरहं रज्जे ठाविज्जामि । एएण कारणेगं न पव्वयसि । ताहे मया पुणो वि भणिया-भगवं! होज्ज चित्तरहो णियय-रजस्स आभागी : तेहिं भणियं-होहिइ त्ति । मया भणियंभगवं ! कस्स पभावेणं ! तेहिं भणियं-जो से भगिणी चित्तलेहं परिणेहीति सो एयं मंदरदेवं जुद्धे जेहिई, तुम्भं च स-रज्जं वितरेहिइ त्ति । मया भणियंभगवं ! कत्थ सो संग्यं ? तेहिं भणियं -तो संस्यं कोसलाए परिवसइ हरिवंसकुल-प्पईवो वसुदेवो णाम । सुए य वायुरह-संतिएहिं पच्छण्ण-रूवोहिं पडिहारेहिं हीरमाणो जुज्झमाणो य विज्झाडवीए हंसोरसियं णाम सरं पाविहीति । तत्थ-गयस्स से पहाण-कण्णा-लाभो होहिति त्ति । सो भे स-रज्जं मोएहि (!) त्ति । एयं च
१. उवट्ठायइ मो० विना ।। २. पव्वयस्स मो० ॥ ३. जेहिंई खे० मो० विना ।। ४. सुयए य मो० । सुयुए य खं० ॥
Jain Education International
For Private & Personal Use Only
www.jainelibrary.org
| SR No. | 002648 |
| Book Title | Vasudevahimdi Madhyama Khanda Part 1 |
| Original Sutra Author | Dharmdas Gani |
| Author | H C Bhayani, R M Shah |
| Publisher | L D Indology Ahmedabad |
| Publication Year | 1987 |
| Total Pages | 422 |
| Language | Sanskrit, English |
| Classification | Book_Devnagari & Literature |
| File Size | 22 MB |