Page Text
________________
तेरसमो चित्तलेहा-लंभो
२०३ सोऊणं वंदिऊण य भणिया मे ते सुविहिया–भयवं ! जा(?ता)व पुत्तं रज्जे पइट्टियं पेच्छामि, पच्छा अवस्सं पव्वयामि त्ति ।
___ एवं भाणिते वंदिऊण य चेइयाई ते य सुविहिए, तो उप्पइत्ता आगो हैं सपरिवारो णिययावासं । तत्थ य सुही-सयणेण य सह संपहारेउं सह कण्णाए चित्तलेहाए तुह सेवा-णिमित्तं इमो तइय-दिणे उप्पइत्ता इहमागओ वसिओ मि एक्क-राई सह धूमाए । हिज्जो य तुब्भे इह पत्ता । दिट्ठो य सि मया सधूएणं जुज्झमाणो सह विज्जाहरेहिं । चिंतेमि य, जइ से विहुरो होही तओ से साहण्ज कप्पेहामि, जाव न कयाइ सूरो स्वज्जोय-पयावो होहि त्ति । गएसु अ तेमु 'मया पुण तुह सत्त-परियाणणदाए विउविमओ बीहि(१ विहो)सणो माणुसद्वि-पचओ, वेयाल-विज्जा-विउव्वियं च इमं भूमीधरं । कदं च महंतं कुंजररूवं । भोसारिताणि य मे विज्जासु मय-पक्खि-सावद-कुलाइं । अंतद्धिताए य चित्तलेहाए सहितो तुह दंसणं दादुकामो गतो मि सर-तीरं । दिट्ठो य सि मया विज्जा-पभावेणं लता-घरंतर-गतो । न्हादुत्तिण्णा हरित-पंसुणा(१) य मया मोहणिज्जा मुह-प्पदेसादो विणिग्गच्छंती दंसिदा चित्तलेहा । ठितो य मि सुत्त-विधाणं कादूण । विज्जा-पभावेणः य मे णातं जधा-सो काहिति कोतुकेण अणुबंध, ततो से रक्खस-रूठितो सत्तं परिवस्तीहामि । चित्तलेहाए यं ण्हादुत्तिण्णाए कद-कुसुम(मुच्चयाए पूइतो भगवं आदिकरो धरणो य। आगदा य मम समीवं । पुणो वि य विज्जाए पच्छादिदा, तुह पुण मायाए मुहं पविसंती दाइता । आगदो य मि इमं विज्जा-विगप्पितं माणुसस्थि-सेलं गुहं । आगदो य तुम पि अम्ह मग्गेणं इमं पदेसं । दंसितं च से(ते) मया दारे रक्खस-भावचिंधं बीहावणथं य मंस-रुधिर-मंडलं । जाणामि य कद-णिच्छदो(ओ) एसो । पेच्छामि ताव काईपि करेति त्ति । पडिणियत्तो य सि । ततो मिलिमो य वयंसाणं । मम य चिंता-संपरिहातेणं तुमे अण्णत्थ णिवेसो कारितो । रयणीए य ते वायुपध-सुता ललिदवेगा संपादिता । अज्ज सि पुणो एक्केण रायपुत्तेण सहितो इमं सर-तोर अम्ह दसणत्थे आगदो सि । ततो तेण च कमेण मया कण्णा-सहिदेण दिण्णो से(?ते) दरिसावो । मुणितो से(?प्ति) मया सर-सलिलजिल्लुक्को । भणिदा य मे चित्तलेहा-पुत्त ! जति ते एसो किंचि भणेज, ततो तुम एदस्स इमं च इमं च पडिभणेज्जामि । किं-पुण, एदं कारणंमवि णाम एसो गुहं पविसेज्ज तो से सत्तं पारखीहामि । कण्णा वि विदिद१. महया खं० मो० विना ॥
Jain Education International
For Private & Personal Use Only
www.jainelibrary.org
| SR No. | 002648 |
| Book Title | Vasudevahimdi Madhyama Khanda Part 1 |
| Original Sutra Author | Dharmdas Gani |
| Author | H C Bhayani, R M Shah |
| Publisher | L D Indology Ahmedabad |
| Publication Year | 1987 |
| Total Pages | 422 |
| Language | Sanskrit, English |
| Classification | Book_Devnagari & Literature |
| File Size | 22 MB |