Page Text
________________
२००
वसुदेवहिंडो-मझिमखंडे रितो हं अंतो । दिदं च मे तत्थ दिव्व-रयण-विइत्तं भवणं सयंपमा-ऋदुम्जोवं । मंतो य कणगमय-विउल-पल्लंक-तल-पसुत्तो दिट्ठो विकराल-घोर-पज्जलिद-दित्तरूवो सो रक्तसो मुत्त-हत्थि-रूवो । उरु-भुया-पंजरंतरल्लीणा तस्स दिवा मया सा कण्णगा अंजणगिरि-कुहरोदर-गया इव कणय-पादव-लदा । तीए पासं समल्लीणो हं । सा य जग्गंती अच्छति । दिदो य. अहं तोए, मच्छि-छोमेण य संन्नेति मं-पेच्छ केरिसं दित्त रूवं ति । मया वि सण्णाए थेव भणिदा-सुदणु ! णाहं एदस्स बीहेमि । ताहे सयणे णुवण्णो हं तीए अणुपासतो। तोए सरीरेण सह एगीभावं पिव गदो हं । भणिदा य मे सा सणियं कण्ण-मूले-सुतणु । जदि ते अहं रुच्चामि तो ते अवहरामि, म.णच्छमाणि वा ण छिवामि ति।। तीए य कण्णे पडिगिदो हं -सामि ! मणोरहो मे एसो, किं-पुण तहा कुणह जध स-बीविदं रक्खसं च रक्खध त्ति । ततो मया चिंतियं-एदं एस्थ दुक्करं नं रक्ससो वि रक्षणीयो । णूण से एस बंधवो होति । भणिदा य मए-भीरु ! एवं काहामि ।
तदो तयि(?ताय) इसि रक्खस-णियय-सरीरंतरेण य मम दिण्णो अवगासो । तत्थ मया सप्पयोगेणं संसारिदं णियय-सरीरं । तीए य मुकुमालथण-जहण-विग्गह-फरिस-रोमंचिदस्स ण मे रक्खसे भय-सण्णा पत्थि । रक्ससोरजयंतर-संगहिदाण य से जंघाणं अणुसारेणं मया छूढा एक्का णियय-जंघा, तीए य सणियं सणेउरा कड्ढिदा एक्का । तदो मया बिदिया छुढा, तीए विदिया कड्ढिदा । तीए बाहु-ठाणेसु मया णियय-बाइ सारिदा दो वि, तीए य दोवि कड्ढिदाओ भुया-लदाओ । ततो तीए य सिरमवि कड्ढिदं, तत्थ मया णिययं सारिदं । एवं तीए द्वाणं पूरेदं णिदो हं रक्खस-णीसास-'धुव्वमाण-केसो[सा] य सहरं संगहिद-भूसणा उद्विदा पल्लंकामओ । मम णिद्धाए दिट्ठीए णिज्जाइदणं ईसि विहसिद्ण य सणियं विणिग्गदा गुहादो । गदा य मया दिण्ण-संकेदा सह अंसुमंतेणं । अहमवि चिंतेमि-जुत्तं मम एदं एव-मुत्तं चेव विवाउदुं । पुणो य मे चितिदंण जुत्तं मम खत्तियस्स छल-घादित्तणं । पडिविबुद्धमेत पडिसत्थीभूदं घादेहामि ।
एवं चिंतेदूणं तस्स विबोध-कालं उदिक्खमाणो अच्छामि । णवरं च सो मम भुया-पंजर-गदं चेव अमुयंतो णिमीलिद-लोयणो अच्छदि । बिदिय-पासेण य परिय
१. पुव्वनाण खं० मो० विना । छठवमाण मो• ॥ २. विवाहे, ख मो० विना ।। ३. मेन ख० मो० विना ॥ ४. खादेहामि ख० मो० विना ॥
Jain Education International
For Private & Personal Use Only
www.jainelibrary.org
| SR No. | 002648 |
| Book Title | Vasudevahimdi Madhyama Khanda Part 1 |
| Original Sutra Author | Dharmdas Gani |
| Author | H C Bhayani, R M Shah |
| Publisher | L D Indology Ahmedabad |
| Publication Year | 1987 |
| Total Pages | 422 |
| Language | Sanskrit, English |
| Classification | Book_Devnagari & Literature |
| File Size | 22 MB |