Page Text
________________
इसिदत्ता-कहा संदसणेण इसिदत्ताए सुमरमाणो - हा ! एस सो सरो जत्थ मया इसिदत्ता हिस्सेण णिघि विव पाविदा । परुण्णो य गुणे सुमरितूण, भणति य अत्त-पुरिसेआगच्छघ, पेच्छामो ताव पियाए इसिदत्ताए जम्मभूमियं ति । गदो य तं देवकुलियं । दिद्वा य तेण तत्थ रिसिकुमारग-रूव-धारिणी इसिदत्ता अवितध-परियत्तिदरूवा। मारिद त्ति य जण-पागडं चिंतयंतेणं णेव संजाणिदा । तीय पुण भचा संजाणिदो । दुक्खं च कधं चि किच्छाहि तीय संवरिदं । दिण्णो य तीय पउमिणिपत्तणं ताव कुसलायारेण भत्तुणो कुसुमग्घो। कणगरधो वि तं पेच्छमाणो ण तिप्पदि । उप्पण्ण-गाढ-सिणेहाणुरागो य पुच्छदि-रिसिकुमारग ! केंवञ्चिरं ते एत्थ एगागिणो परिवसंतस्स ! कषं एमागी धिदि लभसि ? अत्थि वा ते इधं कोई विदिज्जओ । तीय मणि दं-एत्थ पुव्वं एक्को रायरिसी आसि । धूदा य से विदिज्जिया । सा य किर केण वि रायपुत्तेणं परिणे, स-विसयं णोदा । सो वि रिसी अग्गि पविट्ठो । एदं च आसमपदं सुण्णय जादं । अहं च एगागी परिम्भमंतो मिय-चारियाए पुव्व-रिसि ववदेसेणं इथं पत्तो । एदं च मुण्णं मासमपदं अघिद्विदो हं । एत्थ य मे एगागिणो वसंतस्स साधियं पंचमं वरिसं ।
ततो चिंतेदि रायपुत्तो-णूणं एस तदा चेव एत्थ ठिदो, जदा मे पिया परिणेदुं णीदा । तदो' चिंतयंतो गाढदरं सचितो जादो । रिसिकुमारेण य भणिदो-रायपुत्त ! सचिंतो इव दीससि । किमेदं ! ति । तेण य भावं संवरयंतेण भणिदं-ण वि मे काइ चिंता, परं मे तुह-दसण-संधुक्खिदो पुन्ध-भविमओ इव सिणेहाणुरागो बाघदि । ततो पुणो रिमिकुमारेणं भणिदो-रायपुत्त ! रण्ण-वासियो मह तुमं च स्वण-दसणम्मि को सिणेहो ? त्ति । तेण भणिदं-जाणामि एदं कर्ज। तध वि मे बला सिणेहो बाधति त्ति । ताधे पुणो रिसिकुमारेण भणियं-रायपुत्त ! तं सि अतिधी मम, तं पडिच्छध अरण्णवास-सरिसं आतिधेयं फल-संविभागं ति । ततो तेण सबहुमाणं भणिदो-सिरि(रिसि)कुमार | इच्छामि देह मे तुह हत्थसंसग्गि-सुह-सणाधाई कदिह फलाई ति। तेण य मं(व)वाडय-दालिम-णारंगणियोज्ज(१)-सहयार-णीयूर (खजुर)-बीयपूरगादीणं भरिदा पुडइणि-पत्त-पुडिगा उवणीना । तेण य तदो कतिवयाई घेत्तुं पणाम-पुन्वं पडिसेविदाई । भणिदं च रायपुत्तेण-कुणसु पसाद, घेप्पदु अम्ह हत्थादो जेण केणइ पयोयणं ति । तीय वि(हि) त्ति पडिसेधितो गदो आवासं ।
१. तध चि० ख०मो०॥ २. णीयरवीरथपूर० ख•मो०विना ॥ ३. णिवित्ति संमो०विना ।।
Jain Education International
For Private & Personal Use Only
www.jainelibrary.org
| SR No. | 002648 |
| Book Title | Vasudevahimdi Madhyama Khanda Part 1 |
| Original Sutra Author | Dharmdas Gani |
| Author | H C Bhayani, R M Shah |
| Publisher | L D Indology Ahmedabad |
| Publication Year | 1987 |
| Total Pages | 422 |
| Language | Sanskrit, English |
| Classification | Book_Devnagari & Literature |
| File Size | 22 MB |