Page Text
________________
१२६
वसुदेवहिंडी-मज्झिमखंडे कण्णग ? त्ति । तेण भणिदं-सामि ! मया सयमेव सा दिट्ट त्ति । ततो तेण सुचिरं किंपि चिंतेदूणं भणिदो हसंतेण-रायपुत्त ! किं भणसि सयमेव दिवा ! रायसुतेण भणितं जबा- णबेध(१) एव दिवा मे । रिसिणा भणिदं-तहिं तीय ते कज्ज ! ति । रायसुदेण भणिदं-आमं, कजं ति। सा बाला ण ताव पुरच्चरण-जोग्गा पयदि-सुकुमाला य । ततो जति तुम्भे पसादमंता मे ता तं पयच्छध मे । भुजदु ताव रग्नं ति । रिसिणा मणिदो-जति एवं ततो सुणध ।
अस्थि इधेव भरधे मत्तिया णाम णगरी । तत्थ राया आसि हरिसेणो णाम । तं ताव ममं वियाणध । अण्णदा य अहं कम्हि वि कारणे जाद-वेरग्गो पुतस्स अजिदसेणस्स रज्जं दादु णिरागरिद-पउर-जग्गो वणं पद्विदो । ममं च पियमती णाम देवी । सा धारिज्जती वि मे पिढतो लग्गा । सव्वालंकार-भूसिदा कदा(! कधिदुं) लग्गा मे-देव! णियत्तध । ण याहं चाइतो तीय णियत्तेदं । ततो सा मए चेव सह विस्सति-सगासे दिक्खं पडिवण्णा । इमं च मो वणं समल्लीणाई णागरितिकुमारग सहायगाई, पुव्वं रिसि-परिभुत्त य एत्थ आसमपदे परिसंठिदाई। एसा य देव कुलिया मया वणोगसे सु कारिदा। देवीए य गिग्गम-काल-भूदो गम्भो परिवढिदु पयत्तो । तावसे हिं य तं णातूणं चिंतितं - एसो राया रज्जं परिच्चइदु वणं पविट्ठो एत्थ वि अकिच्चं सेवति त्ति । ततो ममं परिच्चइदु अण्णतो गदा । देवी य कारेण पसूदा । परम-रूवा दारिया जादा । मया य से इसि-भाव-लद्धा ति] इसिदत्त त्ति य से णामं कदं । अभिणव-जादा(१) म(१मा)दा मया य । बहुं विलवंतेणं कतं से अग्गिकज्ज । ससोएण य मया एसा मधूग-तेल्लादीसु दुक्खेण परिवढिदा । खंधेण य णं वहंतो पुष्फ-फलाणं कधं वि वच्चामि । सावद-भयेण ण छड्डेमि णं उडए । परिव ढदा य कमसो । पच्छा ण चएमि खंधेण वोढुं जे । चिंतेमि य -जति उडए मुयामि तो कदाइ सबर-पुलिंदादीसु धरिसणा होज्जा, अप्रणेसु वा केसु वि हीरेज्ज वा बाला । ततो मे अच्चंतियं सोगो पावेज्ज ।
ततो मया पुवावधारिदं अंतद्धाणियं अंजणं कदं, दिण्णं च इसिदत्ताए । भणिदा य मे पुत्त ! मम विणिग्गदस्त एतेणं अंनणेणं अंजिद-णयणा अच्छेज्जासि । तदो ते कोइ अच्छीषु ण पेच्छीहिति । ण य केणइ हरिहिसि इतो । एतम्मि अंजणे साधीणे मम य विणिग्गदे जदा तुम कस्सइ दरिसणं दाहिसि तदा णाहामि जधा तुमं भोगाभिलासिणी। ततो तुमं परिवईहामि त्ति । तीय य 'तध त्ति' पडिवणं । एवं च वच्चदि कालो । आगच्छंति य एदाए वत्तणीए विविधा सत्था । आणेमि से ततो मम्गिदूणं विविधाई संपडिय-वस्थाभरणाई खजगाणि य । एदीय
Jain Education International
For Private & Personal Use Only
www.jainelibrary.org
| SR No. | 002648 |
| Book Title | Vasudevahimdi Madhyama Khanda Part 1 |
| Original Sutra Author | Dharmdas Gani |
| Author | H C Bhayani, R M Shah |
| Publisher | L D Indology Ahmedabad |
| Publication Year | 1987 |
| Total Pages | 422 |
| Language | Sanskrit, English |
| Classification | Book_Devnagari & Literature |
| File Size | 22 MB |