Page Text
________________
इसिदत्ता-कहा
१२५ रायसुदेण भणिदो- तवो-वड्ढी होदु मे । अलं फलेहिं । तुब्भं पुण जइ केण-इ भक्खरूवेणं अण्णेण वाहारजादेणं वत्थेसु वरुग(?)-चम्म-पडीसु वा पोयणं अस्थि, तदो गेण्हहेति । तेण णिवित्तिय पडिसेधितो । आढत्तो य देवद व्व [व]णे 'पयत्तिउं । अवसरितो य णिययावासंतेण सपरिवारो रायपुत्तो, अप्प-पुरिस-परिवारो य पच्छण्णो दुमंतर-ट्रिदो आसमपदं णिरिक्खंतो ताव ठिदो जाव दिट्टाकण्णगा:] रिसिणो आहार-काले तेण सह फलाई खायंती । पच्छा य पुणो अईसणं गदा।
ततो पुवारण्ह-काले मज्जिद-निमिदो पुणरवि गदो तावस-सगासं रायसुतो । तत्थ य विणएण तयं पज्जुवासमाणो भणदि-जदि रिसिणो अणुवरोहो हवेज्ज ततो एत्थ सुरभि-सीतल-गंभीर-जले तुह भुय-परिग्गह-पवर-पादवोवसोभिदे वीस मेज्जामि कदिई दिणाई । ण य ते को वि एदाए दिसाए चतुप्पदं अल्लियावेदि पादवं वा लुंचति त्ति । तेण य भणिदो-वीसमध रायपुत्त ! इच्छाए ति । तदो रायपुत्तो वियाले पडिगतो आवासं । अदिच्छिदाए य रादीए गदो तावसो फलाणं । रायपुत्तो य देवकुलियं गदो । णिउणं च मग्गमाणेणं ण चेअ दिट्ठा कण्णगा । कारिदा य पेण हरितोवलेवणा देवकुलिया पुप्फोवयार-कलिता सुरभि-धूवंधयारिदा चेव । भागदो य सो तावसो । णमिदूण य, तयं अवकंतो। पुणरवि य दुमंतर-णिलुक्केणं आहारकाले दिद्वा । गदो य आवासं । तधेव मज्जिद-जिमिदो पच्छा वरण्हे गदो रिसिसमीवं, अभिवादणं च कादं भणदि-महरिसि ! ण मे धिती अस्थि तुह पादमूलं अणागतस्स । तेण भणिदं-सागदं वो भद्दमुह ! त्ति । पज्जुवासिदण य गदो आवासं । बिदिय-दिवसे य तधेव पुणरवि तं देवकुलिय आढत्तो सयमेव हरिदोक्लेवणं पुप्फोवयारं च कादं । आगदो य तावसो । तेण य भणिदो-किमेसा रायपुत्त ! सयमेव महंता उवचिती आढत्ता ? अच्चुवयारो संकं उप्पाएति त्ति । तेण भणितं-महरिसि ! तुहं (हो)वरि भत्ति मे बला करणिं कारवेति त्ति । ततो सो कालागरु-कप्पूर-तुर(?). केसु परम-सुरभीसु धूवं डहिदूणं णमिदूण य पुणो वि मंतेति-भणध महरिसि ! जति वो केणइ अट्ठी ति । तेण णिवित्तिय पडिसिद्धो अवसरितो य ततो । एवं दिणे दिणे उवयारं करेति । __अण्णदा य रिसिणा पुच्छितो रायपुत्तो, जधा--रायपुत्त ! ण विणा कज्जेणं एस तुह संतियो उवयारो भविस्सदि । तं भणध जं कारणं ति । तदो रायसुदो पणामपुव्वयं भणदि-महरिसि ! भत्यि वो इध का वि कण्णगा । तं जदि पसादमंतो सि महं तदो तं पदंसेहि, मे देहि य त्ति । तावरेण भणिदं-रायपुत्त ! कदो एत्थ
१. पयत्तितं खं० । पयतित्थं मो० ॥
Jain Education International
For Private & Personal Use Only
www.jainelibrary.org
| SR No. | 002648 |
| Book Title | Vasudevahimdi Madhyama Khanda Part 1 |
| Original Sutra Author | Dharmdas Gani |
| Author | H C Bhayani, R M Shah |
| Publisher | L D Indology Ahmedabad |
| Publication Year | 1987 |
| Total Pages | 422 |
| Language | Sanskrit, English |
| Classification | Book_Devnagari & Literature |
| File Size | 22 MB |