Page Text
________________
४६
वसुदेवहिंडी-मज्झिमखंडे
जुवति कन्नगा य तप्पढमताय अणुप्पन्नपीइ-पणय-सिणेहाणुरागा पर-पुरिसं निययसरीरे विलाएति, रयणीए य तेणं समं एगागिणी महालयं अद्धाणं पडिवज्जति । एवं मे कामयति एसा ।
न य एत्थ आगास-पएसे एक्को वि कामेयव्वय-पयोगो अस्थि, विज्जाण य आसादणा हवेज्ज त्ति । ततो मे चितितं-अस्थि उवातो-इमं एत्थ कालोववण्णं पाणीयं ताव मग्गामि, ततो जति ताव एसा विज्जा-विगप्पियं णहंगण-गता चेव मे उवणेति ततो नायव्वं 'न कामयति', अह पुण इह किंचि रम्मं सलिलासय-पदेसं अवतारयति ततो नायव्वं जहा 'अभिलसइ में एसा भत्तारं' ति । एवं चिंतेउं मया भणिया- सुयणु पभावति ! तिसिओ हं इच्छामि कहं चि पाणियं पाउं ति।
ततो 'बाढ'मिति 'पियहि' त्ति भणमाणी सगल-विमल-समुप्पइय-सहस्सपत्ताउलं सर मम दंसेइ, भणइ य-कुमार ! एस सरो सुरभि-सरि(र)यकाल-पसाधित-तीर-लग्गकुसुमित-लता-वियाण-वर-पायवोवसोभितो, एत्थ अवतारेमि ते, पियह पाणितं, ति जंपमाणी मं तएगपदेसे समोवइता । अल्लीणा य तं सरं मुहर-कंची-कलाव-मेहलचल-वलय-णिणाएणमवबोधयंती हरद-तीर-पसुत्त-वर-रायहंस-कलहंस-कुंत-कुलल-कारंडय-किन्नर-रहचलणमिहुण-सारस-जीवंजीवय-कुलाणि य बोधयंती अल्लीणा पवरफलिह-मणि-रयण-सिला-नीरय-परिगत-गत-पंक-तीर-देसं सरं ।
तत्थ य सा पउमिणि-पत्त-पुडं गहाय तेण णीलुप्पल-कमल-कुवलय-मउलबउल-कुमुद-कल्हार-वासित-सुरभि-गंधं जलं गहाय उवट्रिया ममं 'पाणिय' मिति । सं च मे 'तीए करोयत्तितं' ति काउं अतिसितेण मया अमयमिव निघोट्टितं । ततो हं 'साउ सुरभि सीतलं सादुमिति य' तं सलिलं पसंसमाणो सर-तीर-द्रितो पुणो पाणियं पुडेण वयणे पक्खिवंतो वि [अ]घ(१घु)तो य मुहुत्तमेत्तं विलंबितो । ताव य पभावती ततो पगतमयं(?) समोसरिता । णातिचिरेण य ततो समुद्वितो न पेच्छामि य, 'पभावति कत्थ मन्ने गय ?' त्ति य विमग्गिउं पयत्तो हं।
णवरं च तत्थ तरु-विवर-पइट्ठ-ससि-किरण-विज्जोइयं कुसुम-वर सयण-संठियपसुत्त-मधुकर-गणं जोण्हा-पणय-परिसित्त-रुइर-तरु-पल्लवालंकित-तणु-विमल-पेलव-सुगंधकुसुमंसुय-विउल-तरंगांयमाण-संपाउतमिव दुम-गहणं । तत्थ य पवर-फालिय-मणिसिला-तल-निगास-निम्मल-निभासंत-महियल-समुट्टितो रयणिकर-मिस-जणिय-पितर(?)
१ .कंजीक० ख० विना ॥ २ ररय० ख० ॥ ३ रमि....सि. न० ॥
Jain Education International
For Private & Personal Use Only
www.jainelibrary.org
| SR No. | 002648 |
| Book Title | Vasudevahimdi Madhyama Khanda Part 1 |
| Original Sutra Author | Dharmdas Gani |
| Author | H C Bhayani, R M Shah |
| Publisher | L D Indology Ahmedabad |
| Publication Year | 1987 |
| Total Pages | 422 |
| Language | Sanskrit, English |
| Classification | Book_Devnagari & Literature |
| File Size | 22 MB |