Page Text
________________
पढमो पभावइलभो
४७ कुसुम-भागो सत्तिवन्न-पायवो दिवो मया । सो य परम-सस्सिरीय-रूवो राया इव तस्स वणंतरस्स पविकसित-कुसुमालंकार-भासुरो, विरयित-परिकम्मो इव पढम-जोव्वणो वरो पैप्फुल्ल-मल्लिय-ण[व]वधूय-गाढोवगूढ-पविराइतो, पवण-बलचालिएसै वि विडवेसु सकुसुमेसु अवहसति विय ममं दुमह(१व)रो उवणिमंतेति, वियरति विय रैंति संभोएण सुह(?ह) सेवणाभिरामो छाया-णिविद्वेणं सिलायलेणं । तस्स य दुमस्स हेद्वा तम्मि सिलायले निसन्नं पभावति पेच्छामि । अमल-कमलोवविटुं पिर्व पच्चक्खं पंकत-दलाततच्छि लच्छि, देवतं पिव तस्स वण-संडस्स, पास-पोइयादुर्ग-विवरंतर-दिट्ठ-लायन्नं, सुपसन्न-रूव-समुदय-तेय-समुल्लसित-किरण-जालं, अहिमुह-पसत्थ-वीसत्थ-दसणं, सुहासीणं सुप्पभं पभावतिं पेच्छामि ।
ततो हं मयण-वस-गतो तीए अभिगमणोवायं [चिंतय] तो उम्मुहो सरद-पसन्नं ससिं अवलोगयंतो निच्चलच्छो चिरं ठितो हैं । तो महं पभावति भणति- कुमार ! किं चिंतयसि । मया भणिता- सुतणु ! कामं चिंतयामि । तीए भणितं- किमेयं अणिमित्ते काम-चिंतणं ? ति । मया भणिता- नाहं अनिमित्ते चिंतयामि, अत्थि निमित्तं, जहा
गय-जलदं गयम(?ण)यलं सुह-किरण-विसुद्ध-सीयलो चंद्रो ।
सकमल-सुरभिं च जलं बि(ति)णि णिमित्ताई कामस्स ॥१॥
तं पेच्छ ताव करभोरु ! इमं परम-सर-तीरं अति-रमणीयं सरद-ससि-कमलसगल-किरणोवसोभितं जोण्हाभिसेय-रुइरं वर-काणण-वणंतरं मउ-सुरभिय जणियसोहेग्ग-परिमल-स(?मं)डिय-सुरभि-कुसुमोवयार-कलियं पिय-जण-पीइ-समुदयावभोगक्वमं च, तं जइ ते कोइ मणोभिलसितो मणोरहो अत्थि* सो कीस सफलो न कोरइ इहं ? ति । ततो तीए ईसिं पहसिऊण भणितं- कुमार नत्थि मे किंचि संपदं ताव मणोभिलसितं, केवलं सहि-पयोयण-कारिया हं । ततो मया भणिता- सुतणु ! किंचि मम' अवगच्छसि ? त्ति । तीए भणितं- अहो ! य अवगच्छामि, जहा- तुम हरिवंस-कुलंचर-ससंको वसुदेवो त्ति । मया भणिता-णाहं एतं पुच्छामि । तीए भणितं- अण्णं किं दाणि पुच्छसि ? । मता भणिता- किंचि मम* अवगच्छसि ?
१ ०पप्पुल० न० ॥ २ सु विवडितेसु सकुसुमेसु अव पति० खं: विमा ॥ ३ ति वियरतिसं० का०वा० ॥ ४ विव खं० विना ।। ५ गतिविव० ख० विना ॥ ६ ०दयातयातयल० ली०वा० ॥ ७ ०मलयं सु० ख० विना ॥ ८ परतीरं ख० विना ॥ ९ हग्गं प० ख०॥ १०* * एतच्चिह्नान्तर्गतः पाठः खं० प्रत वेव वर्त्तने ॥ ११ **एतचिह्नान्तर्गतः पाठः खं०प्रतौ मास्ति ।
Jain Education International
For Private & Personal Use Only
www.jainelibrary.org |
| SR No. | 002648 |
| Book Title | Vasudevahimdi Madhyama Khanda Part 1 |
| Original Sutra Author | Dharmdas Gani |
| Author | H C Bhayani, R M Shah |
| Publisher | L D Indology Ahmedabad |
| Publication Year | 1987 |
| Total Pages | 422 |
| Language | Sanskrit, English |
| Classification | Book_Devnagari & Literature |
| File Size | 22 MB |