Page Text
________________
पढमो पभावइलंभो ततो अण्णत्थ गिरि-सिहर-गतं विज्जाहरं पवर-कामिणि-सहायं पणय कुवियं बिदिय-विज्जाहरिं पसादयंतं पेच्छति । मैमं च दाएउं भणइ य- कुमार ! किमेस करेइ ? त्ति । मया भणिया- रंभोरु ! एस हु पणय-कुवियं दइयं पसादयति पादपडितो त्ति । ततो तीए भणितं- धन्ना हु एसा जीए एवं पिओ चाडुगारओ त्ति । अ(ए)व भणंती समतित्थे पद्विता य सिग्घयरं चंदकिरण-पडिभिन्न-तिमिरेणं णहंगणेणं ।
___ अहं च तीए दरिसण-पडिवयणोववत्ति-जणिय-विम्हय-विलास-पहसित-दसणणिस्ससित-थिमित-गत-चिट्ठिय-ट्ठिय-परिचेट्ठियाणि अणुचिंतयंतो परं मण-वियक्कमुवागओ । हं चिंतेमि य- अहो ! चित्त-चरिया पभावती, कि न(नु) खलु एसा कामयति ममं ण वेति ? किं वाव एसा कामादरा एताइं एरिसाइं रूवाइं दावेति ? उयाहु ममं मति-विन्नासणं करेति ? त्ति । ततो मे वियारंतस्स ठियं हियएकामयति मे पभावती, किं कारणं ?
पढमं चिय एतीए मम णियय-कुल पसूई नेमित्तिय-वयणं च निवेदिताई । जं पि य एसा सावत्थीए ममं घेत्तूण दीव-रुक्खयं पयाहिणे सीय तं पि कामितलक्षणं वियाह-कारणं च मन्नामि । जं पि य जंत-कम्मय-गयं रामं सीयासहितं दळूण मिहुण-धम्मतं पसंमति तं पि कामित-लक्षणं । जं पि य जंत-गदं असुरिंद-कन्न-हत्थं देवेंदं दळूणं भणति--'कुमार ! किं कुल-रूवमंतातो कन्नाओ विक्कमेण वि हरणिज्जातो ?' तम्मि य सासूय-भणितं, जहा- 'ह कुलवती रूववतो य' । ज पि तदेवं यावतय-पडिजायण(?)-ण्हवण-मंडल-गतं जुवति दळूण किं पि मणोगता चिंता स-गुण-गहणं करेसीय तं पि कामित-कारणं । जं पि त जाणपदपुरिसेण गीते पियंगुसुंदरि-संबंधे ईसं दंसेसीय तं पि कामित-चिंधं अवगच्छामि । गोव-जुवाणय-पड़रिक्क-संगमें य जं परितोसं गता एसा, एगागिणिं च चक्कवाई। दट्टणमणुसोयति, जं च वाणरि-गतारोहण-सूयण-कारण-रग्म-णदी-दंसण-दावणगुण-कित्तणे य चिंता नीसास-मुयण मण-विलंबणा य, तह य विज्जाहर-मिहुणकामिणि-पसंसणं, सव्वाणि वि एताई कामित-लक्स्वणाइं । पुव्वं च एसा मम पियंगुसुंदरि-सहितं सुप्पसुत्तं पडिबोधेमाणी जं जंपीय 'अहो ! दुक्खं दुक्ख' मिति तं पि काम-विओगं असहंतीए साणुकंपं पलवितं । न य अकामयमाणा
१ कुविदिय० ख०विना ॥ २ मम तं दा. सं. विना ।। ३ कि एस खं० विना ॥ ४ ०यवेम्ह० ख० विना ॥५ स्सतित० ख० विना ॥ ६ त-चेट्टित-परि० ख० विना ।। ७०याणह खं० विना ॥ ८ ०वतय. खं विना ॥९ त बिंब अव० सप्र० ॥ १००पयरि० खं० विना ॥
Jain Education International
For Private & Personal Use Only
www.jainelibrary.org
| SR No. | 002648 |
| Book Title | Vasudevahimdi Madhyama Khanda Part 1 |
| Original Sutra Author | Dharmdas Gani |
| Author | H C Bhayani, R M Shah |
| Publisher | L D Indology Ahmedabad |
| Publication Year | 1987 |
| Total Pages | 422 |
| Language | Sanskrit, English |
| Classification | Book_Devnagari & Literature |
| File Size | 22 MB |