Page Text
________________
'वसुदेवहिंडी-मज्झिमखंडे
च कोमुदि-कंति माणयंति । ततो तीए भणितं - वरं खु दाणि एते अन्न-वासिणो गोवति । एव भणंती समइच्छिता ।
ततो अन्नत्थ य पदे से सरोदर-गतं सहयर - विउत्तं चक्कवाई कूयंतिं दणं कारुण्ण खोभित हितता ममं भणति - एस अ वरई पिय-विप्पउत्ता पयति- कलहा अइदारुणं वसणं अणुभवति ।
अन्नत्थ पए से यंऽजणगिरि - सिहर - पीवराकारे आरन्नते महामातंगे जुज्झमाणे पेच्छामो । तत्थ य वर्णैगय-सो (सा!) रुट्ठ-रभस-परिपेल्लणं संभालिय पवर-पातप-साहातो अवतरित साका (खा) मिगी कंदप्पेण कुंजर - पट्ठिय समारूढा, कुक्कीलति य तत्थ य नाणावि रुसु । तं पिय दट्ठूण मम दरिसयंती सहसा भणति - कुमार ! पेच्छ पेच्छ ताव इमं भद्द - कुंजरं उत्तम जाईयं इमाए तुच्छ - कुल-पसूताए वानरीए वाहिज्जेतं, एवं खु बहवे पुरिसा मदगल - सम-माणा वि णाम अणारोह - महिलासु असरिसासु वाहिज्जंति त्ति । ततो मया चिंतितं - अहो ! पहावती बहु-सिक्खिता पगब्भा य, जा कुंजरस्स अणुइआरोह-वानरी - दंसणेण ममं सूएति । अहं ताव एतीए मदकलो कतो, वानरी पुण पिया पियंगुसुंदरीं । अहो ! से इमा परिहाससोलता य ।
ततो अन्नत्थ पसे रमणिज्जे दिं पसन्न-जल - कमलोवसोभित-हरद-देसं दहूणं दाएंती भणति - कुमार ! इमा नदी वेयड्ढ - पव्वत- पवहा सरदकाल-पसादिता, पेच्छ ताव, किह एसा सोभति ? त्ति । मया भणिता सुतणु ! रमणिज्जा अतीव पसन्नोदगति, अवि त- तव हियय- पसन्न -सुइ-सलिला, तुह जघण-ललितविच्छिन्न- सरिस - पुलिणा, तव नाभी -विवर- गंभीर - सरिस- हरदा, तव करतल - सरिस - किसलय-निचित-वर-पादैवोवसोभित-तीर देसा, गुण-सतेसु तुम पिव विविहेसु विहयसप्पे (त्थे ) सुनिसेविता *, तुमं पिव कला-गुण-विसेसेसु तरंग - जालेसु मालिया, तुह मुह-वाणी विव नीलुप्पल-सुरभि-गंधा, थण-जुयले तुमं पिव चक्कवाग-जुगलो व सोभिता, तुमं पिव सततं सुहासयणीया इंम (इमा ) नदी । सा मे ( ? ए ) यं वयणं अणुमन्नमाणी ममं च ईसि अवलोययंती दोह-मुक्क-नीसासा मुहुत्तमेत्तं किंपि विलंबितवती, सुइरं च णदि णिरिक्खमाणी सहसा विमुहतं उवगता, पुणरवि य किंपि दीहं नीससिऊणं संपट्टिता ।
१ ०ण विरि० स० ।। २०ण राय ० सप्र० || ३ ०दपोपलो ० खं० विना || ४ ** एतच्चिह्नान्तर्गतः पाठः खं० एव वर्त्तते ।। ५ तुह वाणी खं० बिना ॥ ६ •या मदणंसी मयं वयणं खं०विना ॥
Jain Education International
-
For Private & Personal Use Only
www.jainelibrary.org
| SR No. | 002648 |
| Book Title | Vasudevahimdi Madhyama Khanda Part 1 |
| Original Sutra Author | Dharmdas Gani |
| Author | H C Bhayani, R M Shah |
| Publisher | L D Indology Ahmedabad |
| Publication Year | 1987 |
| Total Pages | 422 |
| Language | Sanskrit, English |
| Classification | Book_Devnagari & Literature |
| File Size | 22 MB |