Page Text
________________
पढमो पभावइलंभो
२७ मदणवेगासु भणितं- सामि ! सुटु भे विण्णातं कारणं, अवितहमेंयं ति । मया भणितं- कहेह का पुण एसा ? । ततो मदणवेगा भणति- अज्जपुत्त ! एसा वेयड्ढपव्वयस्स दाहिणाए सेढोए गंधार-जणवए य पुक्खलावतीए पिंगलगंधारस्स विज्जाहर-राइणो अमितप्पभाए देवीए अत्तिया पभावती णाम विज्जाहररायकन्ना विक्खाया खहयर-लोए, जं पुण कावालिय-वेस-कारणं तं सुणह
एवं खलु अज्ज पुत्त ! विजाहराणं अट्ट विज्जा-णिकाया भवंति । तं जहागोरीयका १ मणुपुयका २ गंधारका ३ माणवीयका ४ केसितपुधगा ५ भूमितुंडगा ६ मूलविरिया ७ संकुगा य ८ । एयाणं च एकमेक्कस्स अट्ठ भेदा, एवं चउसटि भेदा मुणेयव्वा । ते य पढमेल्लुग-कंडे णिरूविता । तेसि च पत्तेयं पत्तेयं सचिंधेसु रूवेसु विज्जाणं पुरच्चरण-विही कीरति । तत्थ गोरीणं, कट्ठ-मोणेणं, मणूण परिवायग-रूवेणं, गंधारीणं तलायर-रूवेणं उत्तमैय-रूवेण वा, माणवीणं पयति-माणुस-रूवेणं, * केसियाणं पइण्ण-जुडाईणधारि-रूवेणं, भूमितुंडगाणं उडु-रूवेणं, मूलविरियाणं सबर-किरात-चंडाल-पुलिंद-रूवेणं, संकुगाणं रुद्द-भेरव-सूलपाणि-रूवेणं । * तत्थ गोरीए महाविज्जाए कटु-मोणेण पुरिसस्स इत्थि-रूवं इत्थीए पुरिस-रूवं कीरति, महारोहिणीए पुण इत्थि-पुरिसाण गोवइय-रूवं वा कीरति, अहवा जलिंर्तिगाल-कुव(१) कट्टरासि-हुतवह-चम्म-चंकमणपासुवत-रूवादिसु विवरीतं वा कावालिय(य)-रूवं, पुरिसस्स इत्थित्तं इत्थीए वा पुरिस-रूवं । ताणि य पुरचरणाइं सविप्प-रूवाइ बहुणा कालेण सिद्धिं गच्छंति । अद्धितिएसु य भय-भीसणेसु ठाणेसु साहिज्जति । पुरञ्चरण-पडिवन्ना य बहवे विज्जा-पच्छादिद-रूवा महा-महेसु अवतारिजति । किं कारणं ? अरहंतचक्कि-बल-वासुदेव-चरिमसरीराणं अणगाराण य महाणुभावाणं अन्नेसिं च उत्तमपरिस-वंस-पभवाणं पिति-सुत-भातीण य दंसणेण वा अकाले चेव विज्जा-सिद्धी भवति । एसा कन्ना महारोहिणीए विज्जाए पुरच्चरणं पडिवन्ना महा-कावालिय-रूवेणं । इमं च णाणाविह-देस-भासा-समागम-सण्णिमहितं कोहगचेतित-जत्तं लोग-विक्खातं णाऊणं केण वि हिएण अवतारिता । एवं विज्जाहराण विज्जाविहितं वेसं वरं उत्तिम-पुरिसा जाणंति, न जाणति पायय-जणो । तं एसो परमत्थो । - १. विथडढ० ख० ॥ २. माइ रू० ख० विना ॥३. * * एतच्चिह्नान्तर्गतः पाठः ख प्रतावेव वत्तते ॥ ४. पुवच्च० ख० ॥
Jain Education International
For Private & Personal Use Only
www.jainelibrary.org
| SR No. | 002648 |
| Book Title | Vasudevahimdi Madhyama Khanda Part 1 |
| Original Sutra Author | Dharmdas Gani |
| Author | H C Bhayani, R M Shah |
| Publisher | L D Indology Ahmedabad |
| Publication Year | 1987 |
| Total Pages | 422 |
| Language | Sanskrit, English |
| Classification | Book_Devnagari & Literature |
| File Size | 22 MB |