Page Text
________________
वसुदेवहिंडी-मज्झिमखंडे गुज्झदेसो, वितिमय कडय-थंभित-भुओ, दाहिण-कर-लग्गेण कंकणण विरायमाणो, 'वर-रिति-मयाए चित्तरत्त-कंकण-णि बंधणीए कच्छभीए परमसोम-संजणित-वच्छत्थलो, सुद्ध-सिणिद्ध-बद्ध-ललित-वालिय-गड़िय-कडि-मझो, णिम्मल-ससिकिरण-धवल-भूतिगहितंगराओ, कूडागारुत्तिमंग-देसो, भमरंजण-कसिण-णिद्व-कुंचित केसो, चंदद्धसरिस-णिवणे-णिडाल-पट्टो, रिद्वमय-चाव-णामित-वर-कसिण-सरिस-भुमतो, कोकासित-विमल-विउल-पुंडरीय-णयणो, आकन्न-पसारितविंग-लग्ग-विलसंत-कंतारूव(?)सवणो, तिलपुष्फ-सरिस (र)य-तुंग-णासवंसो, कप्पकाम-पयत्त-सरिस-कोमल-धणपिंड-गंडदेसो, सित-सिहरि-सम-सुयाय-निद्ध-दसणो, विदुम-खंडावतंस-सरिसुत्तरोट्ठो, बिंबफल-सन्निभाधर-रूयक-सोहो, कणग-वर-पिंडि-सरिस-संगत-पसत्य-चिबुको, णवसरद-सकल-विमलोदित-ससिमंडलालोक-सोम्म-वदणो, कंबु-वर-सरिस-ललित-रेहावलिविरयित-पवर-चतुरंग-किन्नरी-[कंठो], तणु-दोह-मुणाला मल-सरिस-बाहू, वर-कमल-कोमलामल-सरिच्छ-करपल्लवो, उण्णत-तणु-तंब-णिद्ध-णखो, घण-पीण-पवर-ललित-वलितोवरिम-कायो, संखित्त-कंत-चतुर-मज्झो, विउल कलि-खंड-मंडितोदार-सस्सिरीमो, अणुपुत्व-सुजात-करि-ससण-सन्निभोरु-जुयलो,सामुग्ग-णिभुग्ग-गूढ-जाणुसंधी, कुरुविंदावत्त-वाणुपुव-जंघो, संठित-सुसिलिट्ठ-गूढ-गोप्फो, सुपतिट्टिय-कणग-कुम्म-चारुचलणो, उन्नत तार-तरलित-गूढ-तंब-णहो । किं बहुणा भणितेण! पच्चक्खयं च सरासुवो(?) व्व सो कावालित-तरुणो मया णिव्वण्णितो।।
चिरं पसंसंति मे वयंसा तस्स दूरतो रूवं पासमाणा। वितिरिच्छ-पट्टितस्स य तस्स गतिं दळूणं मया चिंतितं- ण एस पुरिसो, अवस्सं दाणि एतीए इत्थियाए भवितव्वं । ताव य पुणो वि भणितं मदणवेगाए-पामि ! अत्थि भे कदायि एरिसं कावालिय-रूवं दिद्वपुवं ! ति । मया भणितं- णस्थि, किं पुण भणामि, ण एस कावालिओ, कावालिणी एसा। तओ अंसुमंतेण भणितं- सामि ! वत्तं खु एयं पुरिस-रूवं दीसति, किह भणह जह 'एस इथिय' ? त्ति । ततो मया भणितं- भो! किं न पेच्छसि विणिगृहंतीए विकारं ? इमा से हंसकता-सविब्भमा गई वितिरिच्छा. वलोकितं च इत्थि-सभावं साहति । ततो सा णि उणं णिज्झाइउं पवत्ता । पेच्छामि य वेगवती तं कावालिय-तरुणं सबिम्हया पलोएति । ततो भागेरहियसेण भणितंरायपुत्त ! एसा कारण-पच्छादिदा इत्थी अवगंतव्वा । ततो पसिऊण वेगवइ
१ ०ए हत्थ० ख. विना ॥ २ .णिवण. खं० ॥ ३ ०रिभाव० ख० विना ॥ ४ चतु० खं० । ०दुरुतु की । दुचतु ल.. ॥ ५ संधीणि खं. ॥ ६ दावि ९० ख.विना ॥ ७ पेच्छामो ख० विना ॥
Jain Education International
For Private & Personal Use Only
www.jainelibrary.org
| SR No. | 002648 |
| Book Title | Vasudevahimdi Madhyama Khanda Part 1 |
| Original Sutra Author | Dharmdas Gani |
| Author | H C Bhayani, R M Shah |
| Publisher | L D Indology Ahmedabad |
| Publication Year | 1987 |
| Total Pages | 422 |
| Language | Sanskrit, English |
| Classification | Book_Devnagari & Literature |
| File Size | 22 MB |