Page Text
________________
पढमो पभावइलमो
२५ जहा सुपरीमिरी-उल्लसंत-कंत-जाला घण-विवर-विणिग्गता मणीसेय-तापदिप्पमाणी नाणामणि-कणग-रयण-भूसण-किरण-पभाए विज्जोवयंती गगणतलं बाल. चंद्रा चंद्रजसकुमार-सहिता मम दइया-सहितस्स पेच्छमाणस्स पुरतो ममुंति(?) ओवतिता । पणता य मे कमे सह सहोदरेण । सहोदरो य से मया पणमंतो संभासितो अवतासितो। संभासिता य मे बालचंद्रा कतं च तीए वि पत्तीसु य मे परोप्परं कंठ-गहणं संभासणं च । परिसंठितो य मि तेसु बहुमाणेण अहं सपरिवारो मुहुत्तमेत्तं एक्कस्स चंदण-महद्दमस्स हेट्ठा । तत्थ य पायव-खंधे विलागस्स पुढवि-सिलापट्टयस्स उवरि ठावितं सम्मतदेवेण णिय-उत्तरीयं, तत्थ णिसन्नो हं । निसन्ना य* सुहिणो मे तत्काल * सुलभेसु आसणेसु । बालचंदा पुण वेगवतोए सह मम वामतो ईसिं पिटुतो परिसंठिता । परियारियाओ व णाते सुहृयच्छपुंजित-रत्तासोग-पल्लवेसु णिसण्णाओ । सेसातो पुण मे पत्तीतो तम्मि उ[व]वणे णंदणवणे व्व सुरवधूओ जहा उग्घोसित-कल-वलय-मेहलकलाव-भूसण-सणामो कुसुमुच्चय-करण-वावडाओ कुसुम-मुट्ठीसु परोप्परं पहणंति, मालेति य मुइय-माणसाओ, देंति आणेऊण मे करयलेसु परम-सुरभि-कुसुमाइं।
___ एवं खेलंतीण य मज्झातो भ(त)रितं आगंतूण मदणवेगा ममं भणतिअज्जपुत्त ! पेच्छ पेच्छ ताव इमो जहा जण-समूह-मैज्झे को वि रमणीयरूवो कावालिय-तरुणो दीसति त्ति । ततो मया स-मित्त-वग्गेण सममिलोइयो । दिदो य सोमया कावालिय-तरुणो सयं पिव पसुवई, सवंग-सुंदरंगो, समि-सोम्माकार-कंत-पियदंसणो, सुरूवो, एक्को व्व जो पयावइणा लोगच्छेरयभूतो विणिम्मितो, सत्वजणणयण-मण-विलुंपणसहो, परम-लक्खण-सुरूवरिद्धि-संपण्णो, रइय-जडामउड-विदिरिल्ली(विहिरिल्लो), लीलाइत-रेहंत-ससि-धवल-मंडलालोक-सरिस-कवाल-खंड-मंडि उत्तिमंगो, पवण-विधुव्वंत-कंत-पिच्छय-विलग्गंत-वियड-विरायंत-गहित-खटुंगो, हरितालिय-पवररोयणा-तिलय-विच्छित्ति-विरायितालिओ, पलित(?)-वर-विमल-कोमलोवल-खंड-मंडितपलंब-सवणो, विविह-वर-वत्थ-गंथित-विजित-कन्न-कंत-कुप्पासत-संवुत-सरीरोवरिमभागो, भंडीर-कुसुम-सराग-णिम्मल-वलत-पवरो, विसद-मंडित-वियड-कडिखंड-तंडेमित
१ . * एतचिह्नमध्यगतः पाठः ख० प्रतावेव वर्तते ॥ २ ज्झे केरमाणोय. खं० ॥ ३ गणरय० ख० ॥ ४ ०णगुरू. खं० ॥ ५ ०लालाइ खं० ॥ ६०सकुवा. ख० ॥ ७ ०तालीओ खं० ॥८०लबलतयवरे० ख० विना ॥ ९ ०डविता ख० विना ॥
HHHHHHORE
Jain Education International
For Private & Personal Use Only
www.jainelibrary.org
| SR No. | 002648 |
| Book Title | Vasudevahimdi Madhyama Khanda Part 1 |
| Original Sutra Author | Dharmdas Gani |
| Author | H C Bhayani, R M Shah |
| Publisher | L D Indology Ahmedabad |
| Publication Year | 1987 |
| Total Pages | 422 |
| Language | Sanskrit, English |
| Classification | Book_Devnagari & Literature |
| File Size | 22 MB |