Page Text
________________
घसुदेवहिंडी-मझिमखंडे सुटु मे एतं मुणितं, किंतु एमा जण-बहुलताए तुब्भे ण ताव पेच्छति, तती कुणह से पसाय, देह से दरिसणं, विज्जा-सिद्धी भवति, विमुच्चति परिकिलेसातिति । अवि य- एसो वेगवतीए उवगारो, कयाइ तुझं पि हवेग्ज । मता भणितं- को मञ्झ उवगारो एत्थ ?। मदणवेगाए भणितं-जेण ते एसा हिययदयिताए वेगवतीए बाल-सही होहिति त्ति । वेगवतीए भणितं- सच्चं ममं एस उवगारो, अवगारो वि दीसति । मया भणितं- जइ एवकए तुह अवगारो भवति ततो अलं, न देमि से दंसणं ति । वेगवतीए ईसि हसिऊण भणितं- सामि ! ण पभायं सुप्पेण ठइज्जति, परिहासं करेमि, नस्थि मे अवगारो, देह दंसण ति । -एवं परिहसिऊणं तीए सह ततो स-परिवारो चेव गतो हं तोए सगासं | भाभट्ठा मे दूरट्रितेणं विज्जापुरश्चरण-परिकिलामित-वदणा सैलालतं पभावती- भद्दे पभावती ! पेच्छह ममं ति । ततो तीए अहं विबुद्ध-सुद्ध-पंकय-सच्छिमे(?च्छभे)हिं अच्छिएहिं अवलोइतो पविकसित-पंकयाए णलिणोए व्व उदयंतो दिणयरो । ततो से मम दसणे जाता विज्जा-सिद्ध । आयासिता य अंतद्धिताए देवयाए भणिया- पुत्त पभावति ? सिद्धा ते अहं महारोहिणी उत्तिमपुरिस-दसणेणं ति ।
ततो सा कतत्था परम-हरिसवस-वियसियच्छो पणता मम पाएसु । भणति य- सापुरिस ! जाता मे कज्ज-सिद्धो परमा तुह पसाएणं ति । ततो सा मम पणतुम्नता संती अवगूढा, पियं च पुच्छिता मम पियासु वेगवईए । ततो सा पणता मर्म विन्नवेति- देव ! अम्ह विज्जाहराणं जस्स पसादेणं *कैन्नाए अकाले चेव विज्जा-सिद्धी होहिति त्ति कन्नगं गुरुणो तस्सेव अणुयाणंति, तं मज्झ वि तुझे पसादेणं* जाता विज्जा-सिद्धी, एत्तो जं जोग्गं तं मम गुरुणो नाहिंति, विसज्जेह मम, वच्चामि गुरु-सगासं, गुरु-सहिताए मे विज्जाण पूया करणिज्जा । मया वि [भणित]- एवं भवतु त्ति, वच्च, विसज्जिता सि । ततो मम पणमिऊणं पयाहिणं च काऊण आगासेणं उत्पतितुं गता वेयड्ढाभिमुही।
ततो तीए गताए समाणोए भणित त्थ मदणवेगा उ- अज्जउत्त ! एतं तं मए भणितं एस वेगवईए उवगारो कयावि तुज्झपि हवेज्जा, एसा 'वि ते पाद-सुस्सूसिया लट्ठा होहिति त्ति । ततो सामलीए भणितं- एरिसाइ अम्ह अवराहाइ मदणवेगा करेति, जाणेती विज्जाहरायारं अजपुत्तस्स पभावंर्ति दसति । ततो वेगवतीए भणितं- मया वि एएण चेव कारणेण भणितं जहा अवगारों वि स्थ
१. सलिलतं ख० विना ॥ २. अयासिता खं० विना ॥ ३ * * एतचिहान्तर्गतः पाठः केषुचित् आदर्शेषु पतितः ॥ ४ तुह ख० ।
Jain Education International
For Private & Personal Use Only
www.jainelibrary.org
| SR No. | 002648 |
| Book Title | Vasudevahimdi Madhyama Khanda Part 1 |
| Original Sutra Author | Dharmdas Gani |
| Author | H C Bhayani, R M Shah |
| Publisher | L D Indology Ahmedabad |
| Publication Year | 1987 |
| Total Pages | 422 |
| Language | Sanskrit, English |
| Classification | Book_Devnagari & Literature |
| File Size | 22 MB |