Page Text
________________
१८
वसुदेवहिडी-मज्झिमखंडे अहमवि सत्तसु पियासु सहितो मण-चिंतितोवणीत-पर-परिभोगो पवर-पासादगतो कइलास-सेल-सिहर-तल-गतो इव नलकुब्बरो पवरच्छरा-समग्गो सुहं अभिरमामि । उप्पण्ण-पिति-पणत-सिणेहाणुरागाओ य पिताओ खेलंति परोप्पर, हासकेलिकण(हल)हा णाडतातोज्ज-चोज्ज-गंधव्व-कव्व-णहोवहार-करणेसु सुरलोगाणुकारिसु संघएणं अभिरमंति, विसेसतो य पियंगुसुंदरी-नीलयसाणं वपु-साधम्म-भाविताणं गाढो सिणेहाणुरागो जाओ ।
देवीए त पियंगुसुंदरीए जेद्रा भायरो पंच जणा रायपुत्ता, तं जहाभागेरधिदत्तो भगीरहियसो पियदत्तो सागरदेषो सम्मत्तदेवो य । एए पंच वि जणा बावत्तरि-कला-पंडिता देव-कुमारा इव सव्वागम-संपन्ना । दोन्नि य कामदेव-सेट्ठि-सुता बंधुमतीए भायरो बंधु-सुबंधुणो णाम दो वि, रायगंगरक्खितो य, एए सव्वे वि' सव्वागम-संपदोववेदा अस्थावत्थं च्चिय जुद्धणिजुद्धादि-जाणता हय-गय-रह-चरिता-विसारदा परम-पीइ-संपउत्ता भत्तीए ममं देवतामिव उवचरंति । तओ हं तेहिं सहितो विविह-कला-भणिय-पेक्खणय-वक्खित्त - हितओ गयं पि कालं ण याणामि । गाढ-सिणेहाणुराग-पडिबद्धा ण मे वणमवि वियोग सहति । एवं वच्चति कालो ।
___ इओ य भदिलपुरातो असुमंतो कविलराय-सुतो मम वियोग-मईतेण दुक्खेण बाहिज्जमाणो पुंड्रा-सुतस्स पुंड्रस्सै तारगस्स य रज्जं णिक्विविऊणं देवीए पुंडाए अणुमते(?तो) णंदोवणंदया(?य)-सहितो ममं विमग्गमाणो सातिसय-मुणिणो वयणेणं ममं समल्लीणो । सो य मे परं पीति-उव्वहंतेण पूइओ। पूइया य मे णंदोवणंदा। ततो मज्जित-जिमितो सुहासण-वर-गतेणं सुहासणत्थो पुच्छितो मे अंसुमंतो-सोम्म ! कहय किंचि कुसलं पुंडस्स राइणो सह जणणीए ? त्ति । तेण य सव्वं खेममावेदितं । ततो पुणो मया पुच्छितो-सोम्म ! कह अहं इत्थ वसंतो जाणिओ ? त्ति । सो भणति-तदा तुम्भेहिं ततो अवहितेहिं पच्चूसे अ पुच्छमाणी विसन्ना विलविउं पयत्ता देवी । तीए य दुखियाए सयलं चिय पुरवरं दुबिस्वयं संवुत्तं अहं च । ततो मया पुरिस-सत्तं अवलंबिऊण तारय-सहितेण कहिंचि कच्छाहिं ववत्थविया देवी । तेह वि बहुसो उम्मत्तय-भूता णिसि सयणे दिवसतो य विलवमाणी गमेइ कालं ।
१. ०इदु० खं० विना ॥ २. स्स य र० खं० विना ॥ ३. य संलि(सण्णि) मु० ख०विना ॥
Jain Education International
For Private & Personal Use Only
www.jainelibrary.org
| SR No. | 002648 |
| Book Title | Vasudevahimdi Madhyama Khanda Part 1 |
| Original Sutra Author | Dharmdas Gani |
| Author | H C Bhayani, R M Shah |
| Publisher | L D Indology Ahmedabad |
| Publication Year | 1987 |
| Total Pages | 422 |
| Language | Sanskrit, English |
| Classification | Book_Devnagari & Literature |
| File Size | 22 MB |