Page Text
________________
पढभो पभावलंभो
१९
ततो तत्थ अन्नया सीयलसामिणो जम्म-जिणाययणे गरुलकेऊ णाम चारण-समणो समोसरितो । ततो देवी पुंडा सह सुंतेणं अहं च स-परिवाराई तं मुणिवरं वंदिउं णिज्जायाइ । सो य णे वंदिऊणं धम्म-कहाणंतरं पुच्छिओभगवं ! केण णे सामी अवहितो ? ति । तेण य अंगारगावहरणं पडिहारि-रूवेण परिकहितं णत्थि से तओ अन्नत्तो य पच्चवाओ त्ति, संपयं पुण एणियपुत्तराणो सुयाए प्रियंगु सुंदरीए सगासे अभिरमति भोग- पुरिसोति ।
1
तओ मुणिवरं वंदिऊणं पविट्ठाणि मो पुरवरं । विष्णविया य में देवीइच्छामि णं तुब्मेहिं माता-पुत्तेहिं विसज्जितो अज्जपुत्त-गवेसणं काउं ति । ततो देवीए भणितं - आमं, आसुअन्त ! मा णाम सो भणिज्ज - गवेसणं पि मे केणति ण कति, तं तव्व ( ? ) सिद्धीए, मा पुण तुमं पि तं जणं जहा दिट्ठ-णट्ठो होहिसित्ति । ततो विसज्जितो हं णंदोवणंद-सहितो कमेण इहागतो हं । तं एस परमत्थो । कुसलिणी देवी सह पुत्तणं ति ।
एवं परम- पीइ-संपत्तो तेसु सहितो गमेमि किंचि कालं । सज्जित य मे णंदोवणंदा चक्कवट्टि - भोयण- सरिसं भोयणं । जातो य भागेरेंधिदत्तादीसु सह परो सिणेहो अंसुमंतस्स । एवं वञ्चति केइ दिवसा ।
अण्णाय ममं जैणेण सहितो सम्मयदेवो विष्णवेति-अनपुत्त ! अस्थि st सावत्थte णयरीए बहिता कोट्ठगं णाम चेइयं, इमं च सयल-कुणाल-जणवयस्स भूसण-भूतं तं चिय उज्जाणं इमस्स रण्णो पुरवरस्स य, तत्थ भगवतो ततिततित्थगरस्स संभमसामिणो जम्ममूमि - जिणाययणं, तस्स य सुए जत्ता होंहिति, तं तेण कारणेणं तत्थ स-पुर-पुरोहित पयइ-परियालो राया सव्विड्ढीए जत्तं उज्जाणियं च अणुभविउं वच्चीहिति, तं तुन्भेवि परम पवित्तं जिणाययण-जत्तं उज्जाणियं च अणुभवि सह पत्ती सुसज्जा हवेज्जाह ति । मता भणितं वच्छ ! एवं णाम जं राया आणवे । ततो गतो (ते) तम्मि दिवसे अहं माणव - वृत्तं (?) ते पुरवर-गतो अभिरमितुं समदिच्छिताए रइ-विमुहा (?) रादोए । परिबुद्धो हं सुहेण णरवति - भाग ( पाउग्ग)पडह-संख-भेरि-झल्लरि-दुंदुहि - हुडुक्कि पिरलि-पेवक- पव्वकरि-वादणि जमलकाहल-संगतसंगीत पवर-णाडग-सद- संजणिय-महुर-मिलित-मंजु - घोसेणं सूत-मागह- बंदिगणाभिनंदित-हितओ दइया जण-पवर-परिमल-गंध-पिसुणितं आमोत्तूणं सयणिज्जं समुट्ठितो हं । १ ०रुइ० सं०विना ॥ २ ० रहिद० सं० विना ॥। ३. जाणणि खं० ॥
Jain Education International
For Private & Personal Use Only
www.jainelibrary.org
| SR No. | 002648 |
| Book Title | Vasudevahimdi Madhyama Khanda Part 1 |
| Original Sutra Author | Dharmdas Gani |
| Author | H C Bhayani, R M Shah |
| Publisher | L D Indology Ahmedabad |
| Publication Year | 1987 |
| Total Pages | 422 |
| Language | Sanskrit, English |
| Classification | Book_Devnagari & Literature |
| File Size | 22 MB |