Page Text
________________
पढमो पभावइलभो अंगारएण हरणं अज्जपुत्तस्स, सामलीए य पति-सिणेह-पडिवत्ति-कारणं अंगारय-पणयणं, 'पा(?मा) हण ! मा हण !' कहितं च णाए, जहा एतीए पहतेण सत्तुणा छडिओ से भत्तारो अहे धरणोए पडिओ। एसा य तेण समयं खंडाखंडीए परिवट्टमाणी जाहे 'तं न चाएति जोधेउं ताहे से अहं भत्तुणो एतीए सुकय'राधिता सरीर-[२]क्खी देवता बितिज्जिता जाता । मया य पज्जालिय-जालासहस्स-दुप्पेश्व-भीसणं रूवं काऊण पराइतो पलो(?ला)एंतो अंगारको । एसा य मए(१) पुच्छिता-भगवति ! का सि तुमं ममाणुग्गहात इहागता य ? । मता य भणिता-अहं ते भत्तुणो पुरा-सुकयज्जिता सरीर-[र] क्खी देवता । ततो मे पुणो एसा पुच्छति-भगवति ! कत्थ मे भत्ता गतो ? त्ति । मया भणिता-सुयणु ! भविस्स-भारियाए गंधव्वदत्ताए पासं चंपं णगरिं गतो त्ति । ततो एसा एतं सोऊण पणत-कोव-कुविता रू(ई)सा-वसण-पडिता परुदिता, आणिदा य मे इहं तुज्झ सगासं । एएण कारणेणं एसा स-दुक्खा इव लक्खीयइ त्ति-एवं वोत्तूणं असणं गता देवता ।
____ एसा वि तुह विरह-दुक्खिता कालं गमेति । अज्ज य तुह लेह-दसणेणं कोवं मोत्तूण इहागता । ततो मता भणितं-सुस्सागतं पियाए सामलीए ? ति । एवं तो तेण अभिप्पसादिता ।।
एत्थंतरे बालचंद्रा विणत-पणता ममं भणति-अज्जपुत्त ! एसा भगवती कासिंचि वेज्जाणं गहणं कारिता, कॉसिंचि न ताव करेति, तुह विरह-सोगसमूसुइय-हियया । विज्जावतय-पुरंचरण-पडिवन्ना वि परव्वसा सत्ताहि द्विता इव 'हा अज्जउत्त !' त्ति संलवति य सुमिणंतरेसु तुम उपेक्खमाणी, तुझं च दंसणूसुई अहं अब्भत्थिता, मेलिता य वो मए एसा, तं इदाणिं अच्छतु ता कइ वि दिणाणि तुज्झाणं सगासे, अहं वच्चामि णादिचिरेण य पुणो आगंतुं, एतं णेहामि स-णगरं चिय, जाव तुहं भमितव्यय-दोहलिणो ण ताव सावक्कयो(?यं) होति । ततो मता चिन्तितं-न बहुमता बालचंद्राए मम कन्न-लंभा भमियव्वयं च । सईसालुयं से वयणं लक्खेमि । ततो मया हसिऊण भणिता-सुयणु ! एव णाम, वच्च(?च्चं)ती विसज्जिता सि, पुणरवि लहुँ एज्जसि त्ति । ततो सा सह भाउणा ममं पणमिऊणं उप्पइया स-णगराभिमुही।
१. पाणहर कहितं२ च खं० ॥ २. त चापति ख० ॥ ३-४ कासिं च खं०विना ॥ ५ तुज्झस० ख० ॥ तुज्झणं स० खं०विना ॥
Jain Education International
For Private & Personal Use Only
www.jainelibrary.org
| SR No. | 002648 |
| Book Title | Vasudevahimdi Madhyama Khanda Part 1 |
| Original Sutra Author | Dharmdas Gani |
| Author | H C Bhayani, R M Shah |
| Publisher | L D Indology Ahmedabad |
| Publication Year | 1987 |
| Total Pages | 422 |
| Language | Sanskrit, English |
| Classification | Book_Devnagari & Literature |
| File Size | 22 MB |