________________
३०
डिंभोवरि गय-नेहा विनिवडिया सवलिया महीवीढे। (४६अ) विलवेइ वियलिया सा करुणं अइकरयर-सरेणं ।।३२८ ।। चिंतइ हा विहिनिग्घिण ! विणा मए किन्न तुज्झ पज्जत्तं। मह दीणाए सरिसो तुह साहीणो न किं अण्णो।।३२९ ।। अहमा किं तुज्झ मए दुट्ठ ! कओ को वि एत्थ अवराहो?। एमेव निरवराहा जेण हयाऽहं तए पाव! ।।३३०।। मज्झ परोक्खे डिंभाइं ताई अमुणिय-'सुजीवियासाइं। अकयउन्नाइं कह ताई 'दइय ! संपइ गमिस्संति।।३३१ ।। विलवेइ अहोरत्तं बाण-हया जाव सवलिया ताव। सुह-संगमो व ता(४६ब) साहु-जुवलयं तत्थ संपत्तं ।।३३२।। उन्भेवि करो भणियं मुणीहि महाभयं नूण "पओसे। वजेह मोह-जालं परम-हियं सुणह मह वयणं ।।३३३ ।। कण्णंतरम्मि ठाऊण तेहिं परमेट्ठि-मंगलं भणियं। अरिहंतो तुह सरणं सव्वण्णू भवण-नाहो जो।।३३४।। अज-पभिई आरंभ-पुत्त-पई-परियणस्स-सव्वस्स। चउविह-आहारस्स वि जावजीवं च निवित्ती।।३३५ ।। 'अरिहंत इमं वयणं गिण्हह भत्तीए मंगलं परमं। इह लोए अत्तिहरं सिव-सुह-जणण च पर-लोए।।३३६।। इय एरिसाई दुक्खाई जाणि(४७अ)उं भाविऊण मह वयणं। अरिहंतं सरह मणे इय भणियं मुणिवरिंदेहिं ।।३३७।। तं मुणि-वयण-विणिग्गय-वयणं अरिहंत-देवया नाम। भावेण सा सरंती १ झडित्ति पाणेहिं परिचत्ता।।३३८।। मुणि-वयण-बद्धलक्खा मरिउं सा सवलि(४७ब) या सुकयउन्ना। "उप्पन्ना तव धूया एसा हं संपय ताय !।।३३९ ।। सुइ-सुमरिय-मित्तेण वि जिणिंद-वयणेणं एरिसा रिद्धी।
जइ पुण सया सरिज्जइ तो १५देइ सुहाइ विउलाई।।३४०।। १. अयकर. २. उवराहो. ३. सुजीवीयासाई. ४. दहय. ५. गमिसंति. ६. भण. ७. मओसे.
८. से अरिहंत. ९. विणग्गय. १०. ज्झडित्ति. ११. उपन्ना. १२. देइं.
Jain Education International
For Private & Personal Use Only
www.jainelibrary.org
