________________
तं वयणं सोऊणं भणियं तह सुंदरीए न हु एयं । मज्झ वि जणणी जइया पुत्तत्थे 'चिंतमावन्ना।।१६१ ।। (२१ब) पव्वाइयाए भणिया ओसह-ण्हवणेहिं तुज्झ वरपुत्तो। होसइ मयच्छि ! किं जंपिएण भणियं कयं ण्हवणं ।।१६२।। मूलकेसेया कंटयारिया(?)एग-वण्ण-गोखीरं। दाऊण गया पावा तह वि न पुत्तो समुप्पन्नो।।१६३। ता सुयणु ! विउल-रिद्धीउ हुंति पुत्ता वि पत्तदाणेण।। देहं च वाहि-रहियं पाविजइ अभय-दाणेण।।१६४।। ता अज तुम कुलदेवयं च रयणीए सुयणु ! भत्तीए। आराह पुत्तिदाणं 'संसह अहवा नियाणं से।।१६५।। भणियं च चंदलेहाए ‘सुयणु! कजं च तुज्झ सच्चमि(२२अ) णं। जो तुज्झ कुले देवो मज्झ वि सो अजपभिउ त्ति' ।।१६६।। सुणिऊण सुंदरीए उववासं तह करेवि भत्तीए। संभरिया नरदत्ता तित्थे सिरि-सुव्वय-जिणस्स।।१६७।। कुल-देवयाए रयणीए दंसणं दंसिऊण उल्लवियं। 'सुंदरि ! तुह बहिणीए हविस्सए-सोह(२२-ब)णा धूया।।१६८।। मह सणस्स सुंदरि ! एसो वि हु पच्चओ इह णु पयडो। चंचु-कय-कुसुममाला पविसेहिइ संवलिया भुवणे' ।।१६९।। दाऊण दंसणं सुंदरीए कमलच्छि ! रयणि-विरयम्मि। जाए पहाय-समए अमरावासं गया देवी।।१७० ।। घुढे मंगलस(२३अ)द्दे सा सुमई चंदसेट्टि-भुवणाओ। पहसिय-वयणा सिरि चंदलेह-भवणम्मि संपत्ता।।१७१।। दाहिण-करेण कुलदेवयाए सेसं च तीए भु(उ)वणेवि।
पहसिय-वाय]णा अद्धासणम्मि देवीए उवविठ्ठा।।१७२।। १. चिन्त. २. पव्वाईयाए. ३. गोक्षीर. ४. सुत्ति. ५. संसइ.
Jain Education International
For Private & Personal Use Only
www.jainelibrary.org
