________________
कमलाए तहा तं मण्णिऊणं गंतूण सेट्ठि-भवणम्मि। चंद-सेट्ठिस्स पुत्तो निमंतिओ देवि-वयणेण।।१३७।। जाए पहाय-समए सरसे पउणीकए सु-भोजम्मि। हक्कारिओ य तुरीओ सपरिय(१८ब)णो चंद-सेट्टि-सुओ।।१३८।। सा सुंदरी वि गुरु-गउरवेण कह कह व आगया तत्थ। दूराओ सच्चविया देवीए चंदलेह व्व।।१३९ ।। भुंजाविऊण सव्वो वि परियणो तोसिऊण चंद-सुओ। परिहाविऊण वत्थे पुणो वि संपेसिओ भुवणं ।।१४०।। सा सुंदरी किसोयरि ! भणिया देवीए महुर-वयणेहिं। 'चिट्ठसु मुहुत्त-मत्तं जा उचियं तुज्झ अवणेमि' ।।१४१ ।। एवं भणियं गुरु-गउरवेण देवीए दाहिण-करेण। गहिऊण नियय-सिंहासणम्मि बहसारिया सुमई।।१४२।। एगति 'मिउ-वयणेहिं जंपि(१९-अ)या एरिसम्मि वय-विहवे। का एसा तुह चिंता न मुयसि जं सुयणु ! तं सोयं ।।१४३ ।। कं दुक्खं तुह नियगाणमंस्मि(नियमाणसम्मि) जं एरिसं च तुह देह। जेण कलिज्जसि मुद्धे सिसिरे हिम-दड-नलिणी व्व' ।।१४४।। कहकह वि जंपियं तीए सुयणु ! लजा-पएण किमिमेण। साहु-जण-निंदणिजेण तेण किं जंपिएणित्थ।।१४५ ।। अण्णं जं भणसि तुमं साहीणं मज्झ साहिमो सव्वं । ता मा मणम्मिा१९-ब] थेवं पि कुणसु खेयं कुरंगच्छि! ।।१४६।। भणियं चविसयासत्तो पिय-विरह-जलण-जालावलीहिं डझंतो। पावेइ जणो दुक्खं मयच्छि! ता किं वियारेण।१४७।। भणियं च चंदलेहाए सुयणु! सच्चं इमं अलमिमिणा।
तं मज्झ जेट्ठ बहिणी गउरविया पणइयाणं पि'।।१४८।। १. मिऊ. २. जेट्ट.
Jain Education International
For Private & Personal Use Only
www.jainelibrary.org
