________________
१२
रच्छा-चउक्क-तिय-चच्चरेसु घोसावए अमारीओ। दीणाण दुत्थियाणं इच्छाए देइ दाणाई।।१२५ ।। तस्स य वद्धावणए वच्चइ सव्वो(१७)वि पमुइओ लोओ। आविंत-जंत-वंदण-सएहिं लब्भइ न मग्गो वि।।१२६ ।। तं पेच्छिऊण भणिया कमला सिरि-चंदलेह-देवीए। एयं 'वद्धावणयं सेट्ठि-घरे केण कजेण? ।।१२७ ।। भणियं तीए सामिणि ! पुत्तो एयस्स चंद-सेट्ठिस्स। आवज्जिऊण दविणं समागओ अज्ज कुसलेण।।१२८ ।। भणियं च चंदलेहाए ‘सुयणु ! तुज्झ वि य जुज्जए गमणं। लोयायार-विरुद्धो पावइ सव्वो वि उवहासं' ।।१२९।। आइट्ठाए तीए गंतूणं चंद-से(१७ब)हि-वणिनाहो। वद्धाविऊण तुरियं पुणो वि वद्धाविया देवी।।१३०।।
सामिणि एयस्स घरे वच्चइ जं पमुइओ जणो सव्वो। वद्धावणय-छलेणं अवलोयए इत्थिया-*रयणं ।।१३१ ।। सा 'इत्थिया किसोयरि! सिट्ठिस्स सुएण जा इहाणीया। अमर-विलयाण मन्ने परिहव-ठाणं च रूयेण।।१३२।। न वि हसइ नेय जंपइ अवलोयइ नेय पमुइयं लोयं। 'हरिणिं व्व जूह-भट्ठा चिट्ठइ अवहरिय-चित्ता सा।।१३३ ।। जो जो तीए रूयं अ(१८अ)वलोयइ नट्ठ-माणसो सो सो। पासहिओ य चिट्ठइ तीए पडिलिहिय-जक्खो व्व।।१३४ ।। तव्वयणायण्णण-पमुइयाए देवीए पभणियं सुयणु !। जइ एवं ता वच्चसु पुणो घरं चंद-सेहिस्स।।१३५।। चंद-सेट्ठिस्स पुत्तो सपरियणो लहु पहाय-समयम्मि। आमंतसु सह तीए भोयण-कजेणं कमलच्छि! ।।१३६ ।।
१. वद्धावयण. २,३. साम्विणि,. ४. रणयं. ५. इच्छिया. ६. हरणि.
Jain Education International
For Private & Personal Use Only
www.jainelibrary.org
