________________
अचूणा
तत्थेगो चिय दोसो कसाय-परिणामदुक्ख-भीयाहिं। माणंसिणीहिं माणं चइजए पणय-कुवियाहिं।।११२।। तत्थ नरिंदो दुस्सह-पयाव-पडिवक्ख-दप्प-विद्दवणो। नामेण चंदउत्तो लोय-पसिद्धो सिलामेहो।।११३।। जो बालवियण(१५ब)-अहिसेय-पट्टबंधेहिं ने(ते?)यवण सरिसो। चाय-नय-सच्च-विक्कम-बलेणं परिवडिय-पयावो।।११४।। जुवईण जो बुहाणं सत्तूणमणुक्कम मणे वसइ। कामो व्व गुरु ब्व रवि व्व रइसु विजा-पयावेण।।११५।। सत्तूण भयं भय-वजिओ वि जो देइ हरि-किसोरो व्व। सुयण-कुमुयाण सारय-ससि व्व भिच्चाण सुनिहि व्व।।११६।। लोयाण पूरियासो आसाबंधो व्व तह य बंधूण। मित्ताण य कप्प-सुपायवो व्व तह कामधेणु व्व।।११७।। तस्सेगो चिय दोसो णरवइणो पणइ [ज]णाण उवरिम्मि। कयावराहाण वि जं न होइ रोसो वि 'कइयावि।।११८।। चारित्त-सील-गुण-रयण-भूसिया सयण-जणिया१६-परिओसा। नामेण चंदलेहा एग ज्रियं तस्स पिय-दइया।।११९।। सोहग्गिमाए पढमा पढमा रूएण सव्व-नारीणं। गुरु-विणय-भत्ति-जुत्ता दयावरा सव्व-भूएसु ।।१२०।। सीलेण सई पुण्णेहिं संपया वर-गुणाण भवणं व्व। रूएण मयण-घरिणि व्व बंदिणाणं च सुनिहि व्व।।१२१।। तीए सह सो राया पंच-पयाराण विसय- 'सुक्खाणं। फलमणुहवेइ जा तत्थ कमलवया१६ब]णे ! सिलामेहो।।१२२।। तीए कमेण संपुण्ण-लक्खणा सुयणु ! सत्त वर-पुत्ता। रूव गुण-विणय-कलिया जाया सिरि चंदलेहाए।।१२३।। ता अण्ण-दिणे तित्थंकराण भवणेसु तत्थ नयरम्मि।
नामेण चंदसेठी करेइ विविहाउ पूआओ।।१२४ ।। १. कईया. २. प्रिय दईया. ३. सुरवाणं.
Jain Education International
For Private & Personal Use Only
www.jainelibrary.org
