________________
भत्तिभर-पुलइअंगा सा बाला मुणिवरं नमेऊण। विहिय-करयंजलिउडा उवविठ्ठा तस्स पय-मूले।।६९।। तीए वि धम्मलाहं दाउं मुणिणा पउंजिओ अवही। विण्णायं जह एसा मणुयभवा पुच्छिया कुसलं ।।७० ।। भणियं च तीए भयवं ! कुसलं मह तुम्ह दंसणेणावि। अज कयत्थो जम्मो सुलद्ध-मणुयत्तणं सुलहं।।७१।। परमेयं मह संसेह कोउयं केण एत्थ गिरिसिहरे। ए(१०-ब) रिस-विचित्त-भवणं करावियं सुव्वयजिणस्स।।७२।। राया वि महासेणो तीए रुएण हरिय-मण-भावो। किंकेल्लि-दुमंतरिओ अवलोयइ तीए वर-रूयं ।।७३ ।। नाउं पच्छण्ण निवं वयणं सुणिऊण चंपयलयाए। भणियं मुणिणा भव्वे! जइ एवं ता निसामेह।।७४ ।। विउसेहिं भव्वभवियाण संसियाओ कहाओ चत्तारि। जम्हा हु अणेग-हुई एसो लोओ दुराराहो।।७५ ।। पढमा आखेवकरी बीया वेक्खेव-भावसंजणणी। तइया निव्वेयकरी संवेगकरी चउत्थी वा।।७६ ।। एयाणं मझे तुज्झ संगया जा हवेइ कमलच्छि !। वेरग्गभाव-जणणी निव्वेयकरी निसामेह।।७७।। जीवो कालो कम्मं अणाइ तिहुयण-गुरु[११]हिं निद्दिढें। कालस्स इमं वस्सं (विस्सं?) उयरत्थं चिट्ठए सव्वं ।।७८ ।। जीवो अणाइ-'निहणो देहं पावेइ कम्म-संगेण। दुक्कम्म-बंध-बद्धो अणेगहा भमइ संसारे।।७९ ।। तस-थावराणं मझे जीवो पुण्णेहि पावइ तसत्तं । लहु-कम्मो य तह च्चिय पावइ पंचेदियत्तं च।८०।।
१. निहिणो.
Jain Education International
For Private & Personal Use Only
www.jainelibrary.org
