________________
लायण्ण-रूय-जोव्वण-सोहग्ग-गुणेहिं जेण निम्मविया। गुण-कित्तणे समत्थो इमाए जइ सो वि न हु अण्णो।।५७।। सा मुणिसुव्वयदेवं भाउय! अच्चेवि सेय-कमलेहि। ति-पयाहिणं च काउं संथवणं कुणइ भावेण।।५८।। (८-ब) जयदेव! जयजिणेसर! जय निज्जिय-चउ-कसाय-दिढ-मल्ल। जय मोह-तिमिर दिणयर! जय जय मुणिसुव्वय-जिणिंद।।५९।। 'जय सुब्वय! सिरि-माणिक्क-किरण-पिंजरिय-पाय-वर-जुयल। जय जम्म-जरा-वज्जिय! जय जय कम्मेंधण-हुयास !।।६० ।। पेच्छंति तुमं जे नेय पाणिणो कप्पपायवब्भहियं । दालिद्द-दुक्ख-दोहग्ग-परिभवं ताण किं दुल्लहं।।६१।। जे य(९-अ) पुणो जम्मण-मरण वाहि-रोगेहि ते ण मुंचंति। तं तेसिं तं पि फलं निएवि नो भाविओ जं च।।६२।। नरयगइ-गमण-दुक्खं संभरियं तह मणं न दुम्मेइ। मणुयत्तं पत्तेण वि नेय जहा तं न पत्तोसि।।६३।। वह-बंध-मारण-'ताडणाई सहिऊण तिरिय-दु-(९-ब)क्खाई। पत्तम्मि मणुयजम्मे न पाविओ तं मए नाह! ।।६४।। अह पाविऊण गुरु मोहियऽच्छिणा जं न सामि ! सदहिओ। तं एयं मह दुकखं जायं संसार-वासम्मि।।६५ ।। पुण्णेहि कहव पत्तो सवूहिओ सामि! "मोक्ख-सुह-निलय।। भव-दुक्खेंधण पावय! प(१०-अ)यच्छ नेव्वाण-सुक्खाई।।६६ ।। थुणिऊण सा जिणिंदं भाउय! जा नियइ तत्थ चउपासे। एगम्मि वर-पएसे ता दिट्ठो मुणिवरो तीए।।६७।। तव-लच्छि-भूसियंगो उवविठ्ठो निम्मले सिलावट्टे। संजम-सिरीए नज्जइ ससहर-मणि-कंति-सम-देहो।।६८।।
१. जोयण. २. जइसुब्वइ. ३. ताडणाई. ४. मोख.
Jain Education International
For Private & Personal Use Only
www.jainelibrary.org
