________________
तत्थ महासेण-निवो पाडलि-नयराहिवेण आणत्तो। जह अस्थि मज्झ धूया परिणयणं सा न इच्छेइ।।४५ ।। अण्णदिणे मह चित्तयर-दिण्ण-दल-वट्टियाए तुह रूवं। दळूण साणुराया ससंभमा सा खणे जाया।।४६।। नाऊण साणुराया तुज्झोवरि सा मए तुमं दिण्णा। परिणयणथमिमीए आवेज्जसु साहिए दिवसे।।४७।। तद्य-वयणमायण्णिऊण सयणाण साहिउं क(७अ)जं। चलिओ परिणयणत्थं पंचेहि सुजाणवत्तेहिं।।४८।। पडिकूल-पवण-पेल्लिय-दहदिसि-'खित्तेसु जाणवत्तेसु। कह कह वि विमल सेले एगं निन-पवहणं पत्तं ।।४९ ।। सुह-कंखिरो नरिंदो पडिओ विसमावईण 'संदेहे। अहवा विसयासत्ता सत्ता पावंति दुक्खाई।।५० ।। जल-संगयं दुरंतं विहडिय-संघाण-तुट्ट-गुणजालं। कुकलत्तं व कुजाणं खणेण चत्तं गरिदेण।।५१।। (७-ब) गुरु-मच्छ-कच्छ-जलयर-जम्म-जरा-जलिय-जलहि-भव-मज्झे। पत्तो सुमाणुसत्तं व कह व रन्ना विमलसेलो।।५२।। छुह-तण्हा-सुसिय-तणू सहिओ निय-परियणेण जा राया। आरुहइ विमलसेले ता पिच्छइ जिणहरं तुंगं ।।५३ ।। तस्स य पुरओ वावी तत्थ जलं सो पिएवि सुविसत्थे। जा ठाइ सिलावट्टे ता पेच्छइ पाउया-जुयल।।५४।। चिंतइ जो इह भवणे को वि सुरो एइ देवया-भत्तो। तस्स सिद्धस्स(८-अ) एयं मन्निजइ पाउया-जुयलं ।।५५ ।। जा पविसइ से भवणं पाउय-पडिबिंब-मग्गणुल्लग्गो। वर-रूय-लक्खण-धरं ता पेच्छइ इत्थिया-रयणं ।।५६।।
१. खेत्तेसु. २. संदेहो. ३. तुह. ४. से.
Jain Education International
For Private & Personal Use Only
www.jainelibrary.org
