________________
सिव-सुक्ख-हेउ-सम्मत्त-रयण-'कर-नियर-धवलिय(५अ)-सरीरो। परिगलिय-सयल-संकाइ-दोस-गुरुभत्तिवंतो य।।३३।। संसार-भीरुयाए विन्नत्तो निय-पियाए सो सुहय। उजिंते नेमिजिणो चिरं तए वंदिओ आसि।।३४।। सच्चं? तत्थ सुणिज्जइ कक्कर-कप्फाड-विसम-सिहरेसु। अज वि वंदिजइ किन्नरेहिं झाणट्ठिया मुणिणो ।।३५।। सच्चं? अज वि सिरिनेमिनाह भवणम्मि पुलइयंगाओ। पारद्ध-पिच्छणाओ वरच्छराओ प(६अ) णच्चंति।।३६ ।। सच्चं? अइरावय-खर-खुरग्ग-खुम्मियसु खोणिदेसेसु। निज्झर-झरंत-सलिल-प्पवाह-झंकाररव-मुहलो।।३७।। तं निसुणिऊणं जंपइ धणपालो सुर्यणु! सच्चमिणं सव्वं । अण्णं पि महच्छरियं जं दिलु तं निसामेह।।३८।। अण्णम्मि पदिणेऽहं निय-सहोयरी-जाय-मरण-गुरु-सोओ। एगागिओ वि पत्तो उजिंत महीहरं रम्मं ।।३९ ।। पूएवि नेमिनाहं निसाए कय-नियम-सुह-पसुत्तो हैं। पेच्छामि दिव्वरूया नारी जिणमंदिरे पत्ता ।।४०।। तीए वि सुसर-वीणा-तंती सारेवि कररुहगेहिं। थुणिऊण वीयरायं अहं च संभासिओ सुहयं ।।४१।। भणियं च मए भयवइ! संपय का तं? समागया कत्तो?। दिव्वा किं माणुसिया? (६ब) का विजा? कं च तुह नामं?।।४२।। भणियं च तीए भाउय ! अउव्वमेयं कहाणयं मज्झ। मणुयत्त-वज्जिया परिभमामि जह तह निसामेह।।४३ ।। एत्थेव भरह-खेत्तस्स दाहिणा अस्थि महिहरो मलओ।
तस्स नियडे पसिद्धा मलया नामेण वर-नयरी।।४४।। १. करि. २. ओजिते. ३. भुवर्णम्मि. ४. अइरावइय. ५. दिणेहिं. ६. संवय. ७.
परिभवामि.
Jain Education International
For Private & Personal Use Only
www.jainelibrary.org