________________
११८ अट्ठ-कुलीणाओ 'सुवासिणीओ सिरि-ठविय-कणय-कलसाओ। उच्चरिय-मंगलाओ(१९५अ)जिण-कज्जे 'पोसह-वयाओ।।१३३०॥ गायंति महुर-सर-गायणेहिं वजंत-विविह-तूरेहिं। नच्चंतु तुंग-पओहरालसाणेय-जुवईहिं।।१३३१ ।। इय एवमाइ जय जय-रवेण सोहण-दिणम्मि सुमुहुत्ते। जिण-पडिमाणं पइट्ठा कराविया रायधूयाए।।१३३२।। तह सुइ-भूया विहिणा सुदरिसणा करइ पंचविह-पूया। वरकुसुम-रयण-सुपसत्थ-वत्थ-बलि-थुइ-सु-थोत्तेहिं ।।१३३३ ।। गोसीस-सुरहि-कुंकुम-मयणाहि-विलेवणेण बहलेण । भत्तिभर-पुलइअंगा विलेवए सुव्वय-जिणिंदं ॥१३३४॥ इंद-वइदुज-मरगय-णी(१९५ब)लुजल-चंद-कंति-दिप्पंतो। जिणइंद-सिरे मउडो 'पवरइओ रायधूयाए।।१३३५ ।। नाणाविह-रयण-मऊह-जाल-णासविय-सयल-तम-निवहो। पिहु-भालयले रेहइ तिहुयण-तिलयस्स वर-तिलओ।।१३३६ ।। माणिक्क-जडिय-कुंडल-सुजुयलयं सहइ जिण-कवोलेसु। सुरगिरिणो पुव्वावरहाए ससि-सूर-बिंब व्व।।१३३७ ।। पिहुल-वच्छयल-घोलिर-सरलाहारावलीओ रेहेति। जय-गुरुणो सासय-कित्ति-कंदलीओ व्व धवलाओ।।१३३८ ।। सयल-जय-जीव-वच्छल-जिणिंद-वच्छत्थलम्मि सिरिवच्छो। सुकिय-सुणिहि व्व रेहइ निवेसिओ रायधूयाए।।१३३९ ।। णिज्जिय-ति(१९६अ)हुयण-रूए सुबाहु-जुयलम्मि भुवणनाहस्स। सोहइ केऊर-जुयं नरिंद धूयाए सिव सुहयं ।।१३४० ।। मंदार-बउल-चंपय-सुपुप्फमालाहिं पूइओ विहिणा। सुरचाव-मंडिओ सहइ संझ-मेहो ब्व जिणइंदो।।१३४१ ।। डझंतागरु-कप्पूर-सुरहि-गयणुच्छलंत-धूम-सिहा।
जिणपुरओ सहइ भमात]-जलहरालि व्व सुर-सेले।।१३४२।। १. सुयासिणीओ. २. ०णोसहं. ३. तुंग. ४. सुत्थोत्त. ५. पवरईओ. १अ. ०णोसहं.
Jain Education International
For Private & Personal Use Only
www.jainelibrary.org
