________________
(१८७ब)अद्धट्ठ-वास-सहसा धम्मं पयडेवि सयल-भरहम्मि। जेट्ठस्स किण्ह-णवमी-दिणम्मि परमं पयं पत्तो।।१२६२।। एयाइं पंच-कल्लाणयाइं पंचसु तिहीसु भावेण। उववासंबिल-नीविय-एगासणगेण जो कुणइ।।१२६३ ।। मुणिसुव्वय-जिण-पडिमं भत्तीए कराविऊण उज्जमइ। सो णर-सुर-सुहाई भोत्तूण पा(१८८अ)वए सासयं सोक्खं॥१२६४ ॥ पंचकल्याणानिइय तइया मुणिसुव्वाय]-जिणेणं पडिबोहिओ जयं अस्सो। अस्सावबोह-तित्थं भरुयच्छे तेण विक्खायं ।।१२६५ ।। ता सुपवित्तं एवं जिण-पय-कमलंकियं विमुक्क-मलं। एत्थागओ य भद्दे ! पावइ अहमो वि भव्वत्तं ।।१२६३ ।। भणियं चकमल-धय-कुलिस-चक्कंकियं पि जुयलं ठवेइ जत्थ जिणो। भूमी वि सा पणासइ पावं भव-भीय-भवियाणं ।।१२६७।। एएण कारणेणं भरहेणऽट्ठावयम्मि सेतुजे। (१८८ब)ओंकार महानयरे जिणिंद-भवणाई विहियाई।।१२६८ ।। अवि यजिणभवण-बिंब-पूया-जत्ता-बलि-न्हवण-देसणा-दाणं। भावत्थवस्स कारणमेसा दव्वत्थुई भणिया।।१२६९ ।। तह चसोमं थिरं विसालं जिणबिंब पिच्छिऊण अहम्मो वि। पावइ सुबोहि-बीयं जह वेयड्ढे तए पत्तं ।।१२७० ।। एयं कमेण परलोय-'साहणं साहियं मए तुज्झ। जिण-भवण-बिंब-पूया-विहिं च संपइ निसामेह।।१२७१ ।।
१. साहण.
Jain Education International
For Private & Personal Use Only
www.jainelibrary.org
