________________
ওও दळूण तं मुणिंदं तस्सोवरि-जाय-गरुय-बहुमाणा। चिंतइ कोवि सउण्णो चिट्ठइ इह 'झाण-गय-चित्तो।।८६३ ।। गुरुभत्तिपुलइअंगा तस्स पणामं करेमि(?वि)जा ठाइ। संवरिय-झाण-मुणिणा दिण्णो ता' धम्मलाहो से।।८६४।। भणियं मुणिणा तुह सुयणु! सागयं मुणिय-पुव्व-जम्माए। भरुयच्छे मुणि-वंदण-कए तुमं सुयणु! संचलिया।।८६५।। भणियं रायसुयाए एवं भयवं ! तए णु जं मुणियं । सयल-जग-जीव-भावं पि णाणिणो अह वियाणंति।।८६६ ।। ता साहेहसु भयवं(१२८ब)सुहयं तव-चरण-कारणं एयं। रयणायरस्स मज्झे समागओ कह तुम एत्थ? ।।८६७।।
अवि यइय एरिस नव-जोव्वण-सिरीए सव्वंग-रुद्ध-देहो वि। निम्मल-तव-य(?)र[थण] -फुरंत-लच्छि-वच्छंकिओ कीस ||८६८॥ लायण्णासंचिय-रूय-सोह-निजिणिय-कामएओ वि। कंदप्प-गइंदकुस-सरिसं किं वहसि चारित्तं?।।८६९।। तव-सिहि-पजालिय-पाव-पुंज-वर-नाण-लद्ध-माहप्पो। भणइ मुणिंदो भद्दे! जइ एवं ता निसामेह।।८७० ।। सव्वो वि विसय-विसहर-कराल-दड्डऽग्ग-डसिय-वच्छयलो। विसय-विस-घारियंगो निवसइ विसमावइ-पराए।।८७१ ।। (१२९अ)तह आवईसु दुक्खं हवंति तह वेयणाउ दुक्खेण। गुरु-वेयणा-विसिण्णो वेरगं वच्चए जीवो।।८७२।। वेरग्गाओ सुबोहो हवइ विवेओ सुबोह-मइ-जणिओ। सुविवेय-भाविय-मई जीवो जिण-धम्ममणुसरइ।।८७३ ।। सो पुण धम्मो दुविहो जइ-धम्मो दसविहो समाइट्ठो।
बारसविहो य भणिओ सावय-धम्मो जिणिं देहिं।।८७४।। १. ज्झाण. २. ताव. ३. जुव्वण. ४. पुंज.
Jain Education International
For Private & Personal Use Only
www.jainelibrary.org
