________________
७८
घरवास-संठियाणं भोगासत्ताण कत्थ परलोगो। इय भाविऊण एयं गि(१२९ब)ण्हति तवं महासत्ता।।८७५ ।। इय संखेवेण मए तुह कहियं वित्थरेण णिसुणेह। विसयासत्ता सत्ता दुक्खं पार्वति जह सुयणु! ।।८७६।।
अत्थेऽत्थ भरहवासे कुणाल-रणयरी जयम्मि सुपसिद्धा। जीए जिण-चलण-कमलंकिया धरा सरइ सक्को वि।।८७७।। तत्थ नरिंदो दुव्वार-वइरि-वारण-निवारण-मइंदो। सुयण-जण-कुमुय-चंदो आहव-मल्लो जये पयडो।।८७८ ।। तस्स पिया कमलसिरी निम्मल-चारित्त-रयण-कय-सोहा। एक्को चिय(१३०अ)ताए सुओ विजयकुमारो समुप्पन्नो।।८७९ ।। बालत्तणे वि रुयत्तणाओ विजाहरेणं हरिऊण। पुत्तत्थिएण नीओ 'सुरम्म-नयरीए वेयड्ढे ।।८८० ।। णिय-दइयाए पुत्तो समप्पिओ सो कमेण वद्धंतो। कालेणं सुयणु ! पत्तो नव-जोअण-लच्छि-वर-सोहं।।८८१।। सुकला-कलाव-कलियं कीलंतं नियइ(१३०ब)जह कुमार। विजाहरीए तह तह मणम्मि मयणो वियंभेइ।।८८२।।
अवि य
तं एयारिसं वर-रूय-लक्खण-धरं कुमारं 'दळूणं अकुसलयाए सीलस्स, अनिम्मलयाए चारित्तस्स, अपउणयाए पइविणयस्स, अच्चासत्तीए कामस्स, दोग्गइ-प(१३१अ)ह-गमण-कुसलाए, सुगइ-पुरी-मह-पंथ-गमणपंगुलाए, उभय-कुल-कलंक भूयाए, जंपियं तीए कामासत्तीए विजाहरीए-'भो भो सुहय! सुणेह मे वयणं जओ अब्भत्थिय-सुरा परोवयार-णिहया परसमीहियत्थ(१३१ब) संपाडणुजुया, पर कजनिरया हवंति सप्पुरिसा।
तो वेयवसिहरोवरि एरिसं ठियाए भुयण-तिलय-भूयाए जयसंपयावास-भूयाए इमीए सुरम्म-नयरीए दुल्लह-रायसिरी-सुह-संपत्ति-कारणं अत्तणो सुह-हे उभूयं (१३२अ)अणेय जणमावज्जिय-बहु-पुण्ण-दुल्लहं सव्वंगेणावि अवितहं कायव्वं तए मह वयणं। गद्यखंड ४ १. प्रणयरी. २. सुरंभ ३. देणं. ४. जनमा.
Jain Education International
For Private & Personal Use Only
www.jainelibrary.org
