________________
७६
इय एरिसं समुदं निएइ जा सुयणु! रायधूया सा। ता इत्थ विमल-सेले बेडाडंडो खणे पत्तो।।८५२।। (१२६ब) खलिऊण एत्थ ते पवहणाई निजामएहिं आइट्ठा। इंधण-जलस्स तइया चडिया कम्मारया सुयणु !।।८५३।। भणियं रायसुयाए ‘अम्मे सीलवई! उवहि-मज्झम्मि। तुंगो वण-संच्छण्णो को एसो पव्वओ रम्मो।।८५४।। भणियं सीलवईए 'पुत्तय ! विज्जाहरेण हरिऊण। (१२७अ)मुक्काऽहं जत्थ पुरा एसो विमलगिरि सो पयडो।।८५५।। तं निसुणिऊण भणियं सुदंसणाए मयच्छि ! जइ एवं। ता दट्ठव्वो एसो तं च पएसं विसेसेणं ।।८५६।। इय सीलवइ-समेया कमलाए खंध-देसमणुलग्गा। आरूढं तं सेलं रमणीयं नियइ चउपास।।८५७।। तं च केरिसं? निज्झर झरंत-सलिल-प्पवाह-'झंकार- तोसिय-गंधव्वं । गंधव्व तिसरि-महुर-सर-हरिय-सुर-जुवइ-मण-भावं।।८५८।। मण-भावुल्लसिय-पणच्चमाण सु(१२७ब)र-'जुवइ-रम्म-सुपएसं। सुपएसासीण-महोरंगगणा-गेय-रमणीयं ।।८५९।। अवि यकत्थइ किन्नर-कररुह-छिप्पंत-सुवीण-तंति-महुर-सरं। महुर-सर-गलिय-मण-माण-गंठि-विजाहरि-निवहं।।८६० ।। अण्णं च जत्थ रवि-किरण-भीरुयं गिरिगुहासु लुकं पि। कवलिज्जइ दिव्वोसहि समूह तेएण तम-णिवहं।।८६१।। इय विजाहर-सुर-सिद्ध-जक्ख-गंधव्व-कय-सु-वासम्मि। जा तत्थ विमलसेले परिसक्कइ सुयणु! रायसुया।।८६१अ)॥ ता एगम्मि पएसे तव-तेयुल्लसिय-सारय(१२८अ)ससिव्व।
विमल-सिलापट्टे सुरगिरि व्व एगो मुणी दिहो।।८६२।। १. मज्जम्मि. २. केसरिसं. ३. झंकार. ४. तसिय. ५. ज्जुवइ. ६. पुल्लसिय. ७. वढे.
Jain Education International
For Private & Personal Use Only
www.jainelibrary.org
