________________
भणियं सीलवईए पुणो पुणो कह नरिंद! तज्जेसि। एसा कुसल-पउत्ती थोय-दिनेहिं पि निसुणेसि।।७४३ ।। ता वच्चउ एसा नरवरिंद सुहयं समीहियं कुणउ। (१०८अ) सम-सुक्ख-दोक्खियाए इमाए पढमं हविस्सामि' ।।७४४ ।। इय एवमाइ सव्वा निवित्ती-निय-मणम्मि काऊण। आएसिऊण तह पवहणाहिवं उठ्ठिओ राया।।७४५।। उसहदत्तेण सहिओ पढमं काऊण मजणं सुहयं । देवच्चणं च विहिणा करेइ तह मुणिवरुद्दिटुं।।७४६ ।। इच्छाए देवि दाणं सुहेण सुह-भोयणं च काऊण। निय-परिमिएहिं सहिओ मयच्छि ! जा ठाए एगंते।।७४७।। ता तुरिय-तुरिय मह समय-घडिय-पहरेहिं निजिय-पया(१०८ब)वो। आवइ-पडिओ ब्व रवी अवर-दिसा-सरणमावण्णो।।७४८ ।। मउलिजंति सपणयं सूरत्थवणम्मि पंकय-वणाई। अहवा निय-पहु-विरहे णासइ विहवो किमच्छरियं ।।७४९ ।। अण्णोण्ण-विओ'उप्पन्न-विरह-जलणेणं बुज्झमाणाई। करुणं कंदंति सरोवरेसु तह चक्कवायाई।।७५० ।। चक्कवइ करुण-सर-गलिय-माण-महिला व दइय-चलणेसु। निवडइ दूसह-विरहग्गि-भीरू कावि विणएण।।७५१।। कत्थइ सउणिय-कुलाई सुपण्ण-छाया-दुमे निलुक्कंति। (१०९अ) अहवा सयावि ठाणं हवंति सउणाण जे तुंगा।।७५२।। नासिय-रवि-कर-विहवो पसरइ घण-कसिण-तिमिर-संघाओ। मिच्छत्त-पडो वा भव्व-जीव-जिण-धम्म-रहियाणं ।।७५३ ।। इत्थंतरम्मि सिय-किरण-नियर- पसरेण तिमिरमवणंतो। आणंदिय-सयल-जिओ सुणिहि व्व समुग्गओ चंदो।।७५४।। पुव्वापर-दिसि-पसरंत-चंद-जुण्हा पयासए गयणं।
उभय-"कुलुजोयकरी निम्मल-सीला सुनारि व्व।।७५५ ।। १. उपन्न. २. वि दहय. ३. सउयणिं. ४. यसरेणं. ५. कुलज्जोयकरी.
-
Jain Education International
For Private & Personal Use Only
www.jainelibrary.org