________________
६५
इय भड - विउस - विलासिणि- विसज्जियासेस - विविह- परिसाए । परिमिय- सहा - निविट्ठो धणनाहं भणइ नरनाहो । । ७३१ । ।
एसा मह पाण - पिया बाला निय-जीवियस्स अब्भहिया । अमुणिय- सुयण- विओगो अमुणिय परमंडलाचारा । । ७३२ ।। अमुणिय-परकुलधम्मा अइट्ठ- दुक्खा अणुज्झिय-कलावा । परिसेसियावमाणा कय- सम्माणा सया सुहया ।।७३३ ।। ता कह भरुयच्छे उसहदत्त ! 'असहाइणी य मह धूया । ( १०६ ब ) एगागिणी गमिस्सर एवं संसह पयत्तेणं । । ७३४ ।। ता तुज्झ मए सव्वायरेण एसा समप्पिया सुहया । कुसलेण 'जहा निवसइ तत्थ तुमं तह कुणिज्जासु' । । ७३५ ।। नाइत्तएण भणियं 'नरिंद ! अइसोहणं समुल्लवियं । मुणिणो सव्वत्थ विआयरेण सीसेण बुज्झति । । ७३६ । ।
एसा य पुणो दिढ - सील- रयण - कवयावग्गहिय - सरीरा । (१०७अ) नवकार - पभाव - पणट्ठ- दुट्ठ- सव्वोपसग्गा य । । ७३७ ।।
-
-
अण्णं एसा चारित रयण गुण-भूसिया य सीलवई । जियसत्तु-भाइणेई सहाइणी तुज्झ धूयाए । । ७३८ । । विहिय-पढमोवयारो "कहाणयं सीलवईए सुणिऊण । तुज्झोवरि सप्पणओ हविस्सए राय ! जियसत्तू ।। ७३९ ।। ता मा करेह खेयं "जो तुह सव्वंगयाए निय-सुयणो । धम्म विकयन्नू साहम्मिय - वच्छलो सो उ । । ७४० ।। (१०७ ब ) ' सीलवई विय सम्माणिऊण राएण पभणिया सुयणु ! | तुज्झ वि कज्जं एवं अम्हेहिं न किं पि भणियव्वं । । ७४१ । ।
इय जाणिऊण एयं जइ वि 'सदुक्खं ठिया तुमं एत्थ । तह वि समीहिय - कज्जे 'सहाइणी होह बालाए' । ।७४२ ।।
Jain Education International
१. असहायिणी. २. सुमप्पिया. ३. जट्ठा. ४. कहायणयं. ५. यो. ६. सीलवइ. ७.
दुखं. ८ . सहाहिणी.
For Private & Personal Use Only
www.jainelibrary.org
