________________
इय नरवर-पमुहा(१०४ब)णं धम्म साहेवि चारण-मुणिंदो। नंदीसरस्स समुहं उप्पइओ सामलं गयणं ।।७२३ ।। इय भरुयच्छ-नयर-निवेसिय-सिरि-संवलिया-विहारस्स
सुंदसणाचरिए नरवर-सिरि-सिलामेहस्स जिणधम्मबोहिलाहवण्णणो नाम[१०५अ] छठो उद्देसो समत्तो।।
सिंघलदीवाओ सुंदसणाए पवहणारोहण-वण्णणो नाम सत्तमो उद्देसो
इत्यंतरम्मि जिणधम्म-वर-महा-लाह-पमुइओ राया। आएसइ विजया नाम सायरं सुयशुं ! पडिहारी।।७२४ ।। बहुविह-पसाय तोसविए सयल-सामंत-मंति-भड-निवहे। अत्थाणं नरवइणा विसजियं वियसियासेण।।७२५ ।। कय-बहु-बहु-सम्माणा सुहडा निय-मंदिरेसु वच्चंता। रायपहे वीर सिलं खिवंति गयणे भुय-बलेणं।७२६ ।। (१०५ब)कोवि बुहो बुह-सय-जणिय-कय-चित्तो सुकव्व-गय चित्तो। वच्चंतो रायपहे समुहं पि न णियइ मत्त-गयं ।।७२७ ।। अण्णो छइंसणमुणिय-भाव-विण्णाय-सयल-परमत्थो। दाणं दितो वच्चइ रायपहे लद्ध-जयपत्तो ।।७२८ ।। 'वारविलासिणीओ रणंत-कंची-कलाव-सोहाओ। वच्चंति रायमग्गे नेउर-रव-पूरिय-दिसाओ।।७२९ ।। अवि यकीए वि पओहर-जुयल-पीडिओ तुट्टिऊण वर-हारो। वीणइ-भिच्चो व्व चल(१०६अ)णेसु निवडिउं लुलइ महिवी ॥७३०॥
१. वारा.
Jain Education International
For Private & Personal Use Only
www.jainelibrary.org
