________________
१२
भुंजइ पुणो वियाले अट्ठम-भाए दिणस्स नियमेण। निय-परिवारस्स तहा एस विही दंसए निच्चं।।७११ ।। जिण-पडिमाण निसाए धूवं उग्गाहिऊण भावेण। पडिवज्जिय-समभावो सज्झायं कुणइ भव-भीओ।।७१२।। दुपय-चउप्पय-धण-धण्ण-वत्थु-दिसि-भोग-गहिय-परिमाणं। दिण-वरिस-जम्म-नियमं निउणं 'पइदियहमणुसरइ।।७१३ ।। गुरु-साहु-सावयाणं गुणवंताणं(१०३अ)गिलाण-विद्वाणं । भावंतो समयत्थं वेयावच्चं कुणइ हिट्ठो।।७१४ ।। पंचविह-विसय-सुक्खं उवभुंजइ परिमिएसु दिवसेसु। तिव्वाहिलास-विरओ परिवजइ पंचसु तिहीसु।।७१५ ।। चिंतइ सयणिय-ठिओ सुह-ज्झाणं एत्थ भव-समुद्दम्मि। कहव भमंतेण मए लद्धो जिण-देसिओ धम्मो।।७१६ ।। ता संसार-समुदं तरेवि जिण धम्म-जाणवत्तेण। अक्खय-निव्वाण-पुरे सासय-सोक्खं लहिस्सामि।।७१७।। (१०३ब) इय पउर-गुणड्ड-वियड-विरइयाणंत सावय-विहीए। संखेवरूइण मए उद्धरियं, मंदमइणावि।।७१८।। एयं पि जस्स गरुयं गरुयं कम्माण संचयं तस्स। लहुयं पि धम्म-कजं अइगरुयं गरुय-कम्माणं ।।७१९ ।। अहवा भव-दुक्खेंधण-पावय-जिणिंदचंद-चलणेसु। जो कुणइ परम-भत्ती पयणुतरो तस्स संसारो।।७२० ।। सावयधम्मस्स निच्चकिरिया। एसो सावय-ध(१०४अ)म्मो भव-सय-दुलहो लहेवि नरनाह !। आजम्मं पालिजह जिं पावय सासय-सुहाई।।७२१ ।। अवि यएसो वि य जिणधम्मो थिर-भत्ती जं सया वि सउणाणं।
चाओ दोसाण तहा समभावो सव्व-जीवेसु'।।७२२।। १. पयदिय. २. परमिएसु.
Jain Education International
For Private & Personal Use Only
www.jainelibrary.org
