________________
६२
अण्णं पि राय ! निसुणह पर - दिवस सावएण कायव्वं । जम्मि कए भत्ती पयणुतरो होइ संसारो । । ६९९ ।।
तं जहा
-
जत्थ पुरे जिणभवणं समय - विऊ साहु- सावया जत्थ । तत्थ सया वसियव्वं पवर- जलं इंधणं जत्थ । ।७०० ।। ( १०१अ ) पडिबुद्धेण पहाए नवकारो सावएण सरियव्वो । संभरियव्वाइं तओ पंचेवाणुव्वय - वराई । । ७०१ ।। पक्खालिय-कर- चलणो कडिल्लवत्थं चएवि 'सूइभूओ । घर - पडिमाउ जिणाणं पमज्जए वयण-कय- कोसो ।। ७०२ ।। कुसुमेहिं पूइऊणं धूवं उग्गाहिऊण भावेणं । विहिणा वंदेवि तओ पच्चक्खाणं पुणो सरइ । । ७०३ ।।
पुणरवि (१०१ब) कय - सिंगारो 'धूवऽक्खय सुरहि- कुसुम कय हत्थो । वच्चइ जिणिंद-भवणे परिहरियासेस - घर - कम्मो । ।७०४ ।।
सत्थालंकार - सचित्त-वाहणाईणि सव्व- चिंधाई | मोत्तूण सीह-वारे पविसइ कय - उत्तरासंगो । । ७०५ ।। जय जय जयं भणतो नमेवि ति पयाहिणं करेऊण । पुणरवि कय-मुहकोसो करेइ पूयं जिणिंदस्स । ।७०६ ।। उग्गाहिऊण धूवं (१०२अ ) पंचहिं सक्कत्थएहिं वंदित्ता । वंदेवि मुणिवरिंदे पच्चक्खाणं पुणो सरइ । । ७०७ ।। अपुव्वं जिण - वयणं सुणेइ भत्तिं करेइ जिण भवणे । पनरस-कम्मादाणे वज्जेवि करेइ घर - कम्मं । । ७०८ ।। भोयण - काले पुणरवि जिण-पडिमा पूइऊण कुसुमेहिं । उग्गाहिऊण धूयं नेवज्जं ढोयए सव्वं । । ७०९ । तह साहु - सावयाणं दुत्थिय - 'दुहि ( १०२ ब ) याण बाल-विद्वाणं । सत्ती देवि दाणं विहिणा भुंजइ सपरिवारो । ।७१० ।।
१. सुयइ. २. ३. ४. धूयं. ५. दुहिहियाण.
Jain Education International
For Private & Personal Use Only
www.jainelibrary.org
