________________
सयमेव-बुद्ध-सिद्धा(९८ब) अण्णे पत्तेय बुद्ध-सिद्धा य। तह बुद्धबोहि-सुसिद्धा सलिंग-सिद्धा य।।६८६ ।। तह अण्ण-लिंग-सिद्धा गिहि-लिंगेणावि सासयं सिद्धा। इत्थी-लिंगे सिद्धा नरलिंगेणावि जे सिद्धा।।६८७।। तह य नपुंसग-सिद्धा(९९अ)सिद्धा जे के वि एग-समयम्मि। अणेग-समएसु जे सिद्धा ते भणियव्वा सिद्धा।।६८८।। ए ए सिद्धा जाणह पंचविहा हुँति तह अजीवा य। धम्मत्थिकायरूवा अधम्मकायत्थिया अण्णे।।६८९।। आगासत्थि-सकाया पोगल-काया य पंचमो कालो। ए ए सुणह अजीवा कहिया भव-गहण-महणेहिं ।।६९० ।। (९९ब)देहं सुहं सुपुण्णं पावं दुह वेयणाए निद्दिडं। पंचिंदियाणं इच्छा नायव्वो आसवो एस।।६९१ ।। तह संवरो वि जाणह इंदिय-इच्छा-निरोह-करणं च। तह णिज्जरा वि दुविहा सब्भिंतर-बाहिरा भणिया।।६९२।। संसार-कारणाणं कम्माणं समुच्चओ मुणह बंधो। सयल-सुहासुह-कम्माण जो खओ जाण सो मोखो।।६९३ ।। (१००अ)नव-तत्ताई नरेसर ! इमाइं सव्वण्णु-भासिय-वराइं। जाणेयव्वाइं सुसावएण जि[ण]धम्म-कुसलेण।।६९४ ।। लोय-विरुद्धाइं तहा रक्खियब्वाइं निव ! पयत्तेण। निंदा न य कायव्वा रीढा जणपूय-पुरिसाणं।।६९५।। लोय-विरुद्धण समं संगो कइयावि नेय कायव्यो। नेय कुवासे भोगो देसायारो न चइयव्वो।।६९६।। सइ सामत्थे मुणिणो वसणे मोणं न (१००ब)चेव कायव्वं । इह-परलोय-विरुद्धं राय-विरुद्धं च चइयव्वं ।।६९७।। इय एवमाइ नरवर ! लोय-विरुद्धाइं चयह दूरेण।
एसो संखेवत्थो तुज्झ मए साहिओ धम्मो।।६९८।। १. धम्मत्थ. २. परिसाण.
Jain Education International
For Private & Personal Use Only
www.jainelibrary.org
