________________
(९६ब)जो न य तिव्व-कसाओ संवेगो जस्स मोक्ख-सोक्खाणं। निव्वेओ भववासाउ जस्स करुणा वि जीवेसु।।६७४ ।। जीवाजीव-पयत्थे गुरु-वयणे जस्स अस्थि सद्दहणं। तस्स य जिणिंद-धम्मो उवइट्ठो कुणइ भव-नासं।।६७५ ।। सो(९७अ)[धम्मो पंच-पवित्त-परम-रयणेहिं भासिओ सुहओ। पालिजंतो विहिणा सासय-सुक्खाइं जो देइ।।६७६ ।। तं जहाजीवेसु दया, सच्चं सुहासियं जं हवेइ जीवहियं। परदव्व-परिच्चाओ, परिहारो पर-कलत्तस्स।।६७७।। परिगह-परिमाणं तह एयाइं अणुव्वयाइं निव! पंच। धम्मस्स साहणत्थं जिणिंद-चंदेहि कहियाई।।६७८ ।। दिसि-परिमाणं च तहा भोग-पमाणं च संचियं वियं। चउविह-अणत्थदंडो वजेयव्वो पयत्तेण।।६७९ ।। गुणव्व(९७ब)याई। सामाइयं च जाणह-देस-पमाणं च पोसहं चउहा। अतिहिभागो मुणीणं इमाइं सिक्खावय-वराई।।६८०।। इय दुल्लह-पंचाणुव्वयाइं सुगुणव्वयाइं निव! तिन्नि। सिक्खा-वयाई चत्तारि एस जिण-देसिओ धम्मो।।६८१।। महु-मंस-मज-लूणिय-पंचुंबरि-रयणि-भोयणं चयह। जीवाजीव-पयत्थे सुणेह तह कुणह सद्दहणं ।।६८२।। निसुणेह राय! जीवा दुविहा संसारिणो तहा मुत्ता। संसारिणा य दुविहा तसा य तह थावरा भणिया।।६८३ ।। (९८अ)बेइंदिय-तेइंदिय-चउरो पंचेंदिया तसा चउहा। भू-जलानल-पवण-वणसइ पंचविह थिर-जीवा।।६८४ ।। मुत्ता पनरस-भेया तित्थे सिद्धा अतित्थसिद्धा य।
तित्थगर-ठाण सिद्धा अतित्थगर-ठाणसिद्धा य।।६८५ ।। १. मोख-सोखाणं. २. पंचुबरि. ३. जलाणाल.
Jain Education International
For Private & Personal Use Only
www.jainelibrary.org
