________________
ते सव्वाइं किसोअरि! इमाइं नाणाविहाई दुक्खाई। लंघंति इह खणद्धे जिण-नवकार-प्पभावेण।।५७४ ।। अण्णहाकत्थेसो विमलगिरी कत्तो मह पवहणं च इह पत्तं । ता तुह पुण्ण-वसा खलु जिण-नवकार-प्पहावेण।।५७५।। तह य(८१ब) ता दहइ मयण-दाहो दुह-चिंता-डाइणी वि ता छलइ। . ता भमइ भव-समुद्दे जिण-नवकारं न जा सरइ।।५७६ ।। ता मा कुण उव्वेयं तुज्झ कणिट्ठो हवे अहं बंधू। मणुयत्तणं व पत्तो एस गिरी उयहि-मज्झम्मि।।५७७ ।। एसो संसार-समो य जलनिही मज्झ जाणवत्तेण। जिण-वयण-समेण तुमं तरह मए लहु सहाएण।।५७८।। इय एवमाइ सोआवहार वयणं सुणेवि वणियस्स। भणियं तीए (८२अ) भाउय! हियं तए जंपियं जुत्तं ।।५७९ ।। अवि यजो विहलियं विलंबइ आवइ-वडियं च जो समुद्धरइ। सरणागयं च रक्खइ तस्स जसो निम्मलो भुवणे।।५८० ।। इय अप्प-हियं सा चिंतिऊण निव ! जाणवत्तमारूढा। संसारो व्व समुदं तरेवि 'सा आगया इत्थ।।५८१।। वणिय-कुमारेण तया सहोयरी मण्णिऊण निय-पिऊणो। साहेवि ती(८२ब)ए चरियं धूय व्व समप्पिया देव !।।५८२।। जा जयधम्म-नराहिव-धूया नामेण देव ! सीलवई। सा हं संपइ नामेण सुंदरी एत्थ निवसामि।।५८३।। नामस्स य परिवडिया तुह भवणे सुह पियाई कुव्वंती।
चाड्य-सएहिं साणु व्व भुजिमो निव ! परायत्ता।।५८४।। १. एवमाय. २. सोहविहार. ३. भाऊय. ४. आसागया.
Jain Education International
For Private & Personal Use Only
www.jainelibrary.org
