________________
दट्ठोट्ठ-भिउडि-भीसण-पहासुरो उद्धकेस-रत्तच्छो। जंपइ रे रे तियहर! जमेण किं अज संभरिओ? ||५१३।। ते दोवि सरिसरूए पेच्छंती सरिस भूसणाहरणे। सा चिंतइ सीलवई इमाण मज्झम्मि को कुमरो' ।।५१४।। मन्नेवि जया कुमरो एसो जो आगओ कुढे पच्छा। ता जइ मज्झ सइत्तं हव(७४ब)उ कुमारो हु जयवंतो।।५१५।। विजाहरो वि चक्कं दाहिण-हत्थेण भामिउं तस्स। जा खिवइ ता कुमारो वंचेवि नहं समुप्पइओ।।५१६ ।। तिक्ख-खग्गेण मउडो कुमरेण य पाडिओ य जा तस्स। मोत्तूण राय-धूयं नट्ठो विज्जाहरो ताव।।५१७।। पट्ठीए तस्स 'कुमरो वि धाविओ कोव-जलण-पजलिओ। रे ठाहि ठाहि तीयहर ! जंपंतो फरुस-वयणाई।।५१८ ।। सा बाला सीलवई चउपासं जा नियइ नरनाह!। ता नेय तं पएसं न नयरिया(७४/१अ) ने[य] उज्जाणं ।।५१९ ।। न य जणणी नेय वयंसियाओ ताओ वि नेय जयधम्मो। म य रजं परिवारो खणेण दूरीकयं सव्वं ।।५२०।। अह सो वि नेत्थ कुमरो आसाबंधु व्व जो कुढे आओ। अहिययरं तं दुक्खं जिणेसए किंऽत्थ जिप्पिसइ।।५२१ ।। तं सव्वमपिच्छंती जा पासं नियइ राय ! सीलवई। नंगूल-प्फालिय 'महितलं च ता नियइ पंचमुहं ।।५२२।। कत्थइ य घुरुहरंतं नियइ वराहं च अ(७४/१ब)हिमुहं इंतं। दसण-ग्गोलइय-करं करि-जूहं नियइ गजंतं ।।५२३।। सिंगग्गुक्खणिय-सिलं वुक्कंतं नियइ दुट्ठ-वण-महिसं। तरु-चलिय-चवल-वुकंत-का-समूहं पलोएइ।।५२४।। फण-फुक्कार-मुयंतं दुप्पेच्छं नियइ कत्थइ फणिंदें।
समुहितं-किलिकिलंतं वेयालं नियइ विकरालं ।।५२५।। १,२,४. कुमार. ३. कोय ५. वम्महितलं.
Jain Education International
For Private & Personal Use Only
www.jainelibrary.org
