________________
४७
कत्थइ फेक्कारतं वसंत-लुद्धं पलोयइ पि(७५अ)सायं। कत्थइ 'विगडाणण-रउद्द व्व हु डाइणि-समूहं । ।५२६ ।। एवं तदंतवंगवक्ख गवय कय-सद्द-पूरिय-निगुंज। पडिसद्द-दीहरोरालि-भीसणं पव्वयं नियइ।।५२७ ।। पवणाहयं पि पत्तं णिएवि कंपति सव्व-गत्तंता। चिंतइ असरणयाहं सरणं कत्थित्थ वच्चामि? ।।५२८।। हा विहि! णिग्घिण ! निग्घिण ! मुक्का एगागिणी कहं एत्थ । किं कोइ मए कइया तुज्झ कओ दुट्ठ ! अवराहो ? ॥५२९॥ अवि यएगं पि जइ वि थोवं दुक्खं अन्नो न साहिउं तरइ। मज्झ पुणो सव्वाइं 'विहिवि(७५ब)हिय-गुरुयाइं दुक्खाई।।५३० ।। अहवा इमेण विहिणा जणस्स पासातु मज्झ दुक्खाई। वेसंभमुवगएणं समप्पियाई पयत्तेण ।।५३१।। इय एवं सा भय-वेविरी वि गुरुयावईसु पडिया वि । धीरेइ सा नरेसर ! अत्ताणं अत्तणो चेव ।।५३२।। तं जहाकिं अण्ण-भवे नियमो काऊण न पालिओ मए विहिणा । नासोऽत्थ जीवियासा न पुणो वि समप्पिओ तस्स ।।५३३।। वेसंभमुवगओ वा मित्तो किं वंचिओ मए कइया । अह किं कइया कुमई कस्स व मायाए 'उवइवसि(७६)या।।५३४।। अहवा किं जणणीए परिहासेणावि वल्लह-सुयाइं । विच्छोइयाइं सहसा आहरणं कस्स किं हरियं ।।५३५।। अह जं पुव्व-निबद्धं निवडइ मड्डावि तं खु जीवाणं । ता सहियव्वं किं विलविएण एमेव रण्णम्मि ।।५३६।। इय चिंतिऊण नरवर ! सीलवई वित्थ-चिंधं उन्भेवि ।
सण्णाए तरुयरग्गे आसाबंधो ब्व तं चिंधं ।।५३७।। १. विगराणण. २. गवइ. ३. निगुजं. ४. विहिय-विहि. ५. ओइवसिया. ६. चिंध.
Jain Education International
For Private & Personal Use Only
www.jainelibrary.org
